پاریس سانجێرمان یاریزانێكی ریاڵ مەدریدی دەوێت

5/14/2019 10:40:00 AM 6999 جار خوێندراوەتەوە

خەندان سپۆرت

 

لەپێناو بەهێزكردنی هێڵی ناوەندی یانەكەیان ئیدارەی یانەی پاریس سانجێرمانی فەرەنسی هەوڵ دەدات بۆ گواستنەوەی یاریزانێكی هێڵی ناوەندی یانەی ریاڵ مەدرید.

رۆژنامەی لو پاریسیانی فەرەنسی ئاشكرایكردوە.. كە ئیدارەی یانە فەرەنسییەكە دەیەوێت بەگواستنەوەی تۆنی كرۆسی یاریزانی یانەی ریاڵ مەدرید گروتینێكی باشتر بداتە یانەكەو هێڵی ناوەندی بەهێز بكات بۆ یارییەكانی بۆ پاڵەوانێتیە جیاوازەكانی وەرزی داهاتوو.

هەمان سەرچاوە ئەوەشی ئاشكرا كردوە كە ئیدارەی یانە پاریسیەكە پلان بۆ وەرزی داهاتوو دادەنێن و دەیانەوێت بە گواستنەوەی چەند یاریزانێك تیمێكی نوێ بۆ یانەكەیان بوناد بنێنن بۆ ئەوەی وەرزی داهاتوو بە ئاستێكی باشترەوە لە پاڵەوانێتییەكان دەربكەون.

تۆنی كرۆسی ئەڵمانی گرێبەستەكەی لەگەڵ یانەی ریاڵ مەدرید كۆتایی نەهاتوە، بەڵام بەهۆی ئەو ئاستە خراپەی یانەكە لە یارییەكانی ئەم وەرزەی یانەكانی ئیسپانیا و خولی یانە پاڵەوانەكانی ئەوروپا پێشكەشی كردوە ، ئەگەری هەیە چەند یاریزانێك ریزەكانی یانەكە جێبهێڵن.



Copyright © 2017 Xendan.org all rights reserved

designed and developed by AVESTA GROUP