ئینتەرمیلان ئەستێرەیەكی جیهانی دەگوازێتەوە

5/12/2019 9:57:00 AM 21062 جار خوێندراوەتەوە

خەندان سپۆرت

 

ئیدارەی یانەی ئینتەرمیلانی ئیتاڵی لە پێناو خۆئامادەكردنی بۆ پاڵەوانێتییەكانی وەرزی داهاتوو دەیەوێت ئەستێرەیەكی یانەی پاریس سانجێرمانی فەرەنسی بەگرێبەستێكی گەورە بۆ ریزەكانی بگوازێتەوە.

پێگەی دۆن باڵۆنی ئیسپانی ئاشكرایكردوە كە ئیدارەی ئینتەر میلان دەیانەوێت بە گواستنەوەی یاریزانێكی جیهانی پێكهاتەی یانەكەیان بەهێز بكەن و لەگەڵ ئەوەشدا وەڵامی ئەو بۆندەی یۆڤانتۆس بدەنەوە كە لە هاوینی رابردوو رۆناڵدۆیان بەرەو ریزەكانیان گواستەوە.

هەمان سەرچاوە ئەوەشی ئاشكرا كردوە كە ئیدارەی یانەی نێراتزۆری بڕی 300 ملیۆن یۆرۆیان تەرخان كردوە بۆ ئەوەی بە گرێبەستێك پێشكەشی یانەی پاریس سانجێرمانی بكەن لە پێناو بەدەستهێنانی تواناكانی نێیمار داسیلڤای بەرازیلی و لەگەڵ ئەوەشدا موچەی ساڵانە 40 ملیۆن یۆرۆی پێبدەن.

گواستنەوەی ئەم یاریزانە بۆ ئینتەرمیلان ئاسان نیە، چونكە لە ئێستادا یانەی ریاڵ مەدریدی ئیسپانی لەهەوڵەكانی بەردەوامە بۆ گواستنەوەی ئەو یاریزانەو ئامادە بە بڕی 250 ملیۆن یۆرۆ نێیمار بەرەو یانەكەی بگوازێتەوە، خودی یاریزانە بەرازیلیەكەش زیاتر چاوی لەسەر گەڕانەوە بۆ ئیسپانیا. 



Copyright © 2017 Xendan.org all rights reserved

designed and developed by AVESTA GROUP