ئەگەری هەیە ڤاڵڤێردی دووربخرێتەوە

5/8/2019 5:57:00 PM 28883 جار خوێندراوەتەوە

خەندان سپۆرت

 

ئیدارەی یانەی بەرشەلۆنەی ئیسپانی بیر لە گواستنەوەی راهێنەرێكی نوێ دەكەنەوە بۆ جێگەی ئەرنستۆ ڤاڵڤێردی كە شەوی رابردوو لەبەرامبەر یانەی لێڤەرپوڵی ئینگلیزی شكستی هێناو بە چوار گوڵی بێ بەرامبەر بەو یانە ئینگلیزییە دۆڕا.

راگەیاندنەكانی ئییسپانیا ئاشكرایان كردوە كە ئیداری یانەی بەرشەلۆنە دوای دەركردنی یانەكەیان لە چامپیۆنس لیگ بیر لەوە دەكەنەوە كە راھینەرێك بۆ جێگەی ڤاڵڤێردی بگوازنەوە چونكە ئەو راهێنەرە دوو ساڵە نەیتوانیوە یانەكە بگەیەنێتە یاریی كۆتایی چامپیۆنس لیگ.

رۆژنامەی سپۆرت نوسیویەتی راهێنەری یانەی ئەیاكس ئەمستردامی هۆڵەندی تین هاگ پاڵێوراوی سەرەكیە بۆ ئەوەی وەرزی داهاتوو ئەركی راهێنەرایەتی كردنی یانەی بەرشەلۆنەی پێبدرێت بەهۆی ئەو ئاساتە بەرزەی لە یارییەكانی ئەم وەرزەی چامپیۆنس لیگ لەگەڵ یانەی ئەیاكس ئەمستردام پێشكەشی كردوە.

رۆژنامەكە باس لەوەش دەكات كە هێشتا لە بارەی دورخستنەوەی ڤاڵڤێردی هیچ بڕیاریك نەدراوەو هێشتا ئەو راهێنەرە بۆ ماوەی یەك وەرزی دیكە گرێبەستی لەگەڵ یانەی بەرشەلۆنە ماوە. 



Copyright © 2017 Xendan.org all rights reserved

designed and developed by AVESTA GROUP