لێدوانی ڤاڵڤێردی دوای یارییەكە

5/8/2019 9:56:00 AM 14980 جار خوێندراوەتەوە

خەندان سپۆرت

 

لە یارییەكانی قۆناغی نیوەی كۆتایی خولی یانە پاڵەوانەكانی ئەوروپا یانەی بەرشەلۆنە لە ئەنجامێكی چاوەڕوان نەكراودا بە ئەنجامی چوارگۆڵی بێ وەڵام بە یانەی لێڤەرپوڵ دۆڕاو ماڵئاوای لە چامپیۆنس لیگ كرد.

دوای یارییەكەو لە كۆنگرەیەكی رۆژنامەوانیدا ڤاڵڤێردی ووتی.. نازانم ئەوەى رویدا چیمان بەسەرهات، کاتیشم نیە بۆ بیرکردنەوەى ئەوان لە ئێمە باشتر بوین و پیویستە قبوڵی ئەنجامەكە بكەین، خۆم بەرپرسیارێتی شکستەکە هەڵدەگرم و هیچی دیكە.

پاشان راهێنەركەی بەرشەلۆنە ووتی.. پاش کرانە دەرەوەى لەو جۆرە پێویستمان بە تێپەراندنی چەند رۆژێکی ناخۆش هەیە، پێویستە زوو هەستینەوە سەر پێ پێویستە خۆمان رێک بخەینەوە هێشتا یاریی کۆتایی جامی شای ئیسپانیا ماوەو پێویستە خۆمان بۆ بردنی ئەو نازناوە ئامادە بكەین.

لەكۆتاییدا ئەو ڕاهێنەرە ووتی.. داواى لێبوردن ئەکەم بۆ ئەوەی رویدا، ئێمە یاریی دەکەین لە پێناو هاندەر تا شانازیمان پێوە بکەن، یەکەم شکست لە چامپیۆنزلیگ بوە هۆکاری دەرکردنمان، بڕوامان نەدەكرد ئەنجامەكە بەو شێوەیە بێت، بە هاندەرەکانمان دەڵێین ئێمە زۆر داواى لێبوردن ئەکەین، ویستمان خۆشی بدەین پێتان، بەڵام ئەمە تۆپی پێیەو هەموو جارێک براوە نابیت، لێڤەرپوڵ بە شایستەی گەیشتە كۆتایی ئەوان لە ئێستادا باشترین یانەن لە پریمەرلیگ.



Copyright © 2017 Xendan.org all rights reserved

designed and developed by AVESTA GROUP