لێڤەرپوڵ خۆی گەیاندە كۆتایی چامپیۆنس لیگ

5/8/2019 12:38:00 AM 6698 جار خوێندراوەتەوە

خەندان سپۆرت

 

لەمیانەی یارییەكانی خولی یانە پاڵەوانەكانی ئەوروپا و لە یاریی گەڕانەوەدا یانەی لێڤەرپوڵ لە یاریگای خۆیدا سەركەوتنێكی گەورەی بەسەر یانەی بەرشەلۆنە تۆمار كرد.

لە نیوەی یەكەمی یارییەكەدا یانەی لێڤەرپوڵ بە گۆڵێك پێشكەوت و گۆڵەكەش یاریزان ئۆرگی لە خولەكی حەوتی یارییەكەدا تۆماریكرد و نیوەی یەكەم بە پێشكەوتنی لێڤەرپوڵ بە گۆڵێكی بێ وەڵام كۆتایی هات.

لە نیوەی دووەمی یارییەكە یانەی لێڤەرپوڵ ئاستێكی زۆر ناوازەی پێشكەش كردو لە خولەكی (54 و 56) فیناڵدۆم دوو گۆڵی لەسەر یەكی بۆ یانەی ڵێڤەرپوڵ تۆمار كرد، لێڤەرپوڵ لەسەر ئاستە باشەكەی بەردەوام بوو تا لە خولەكی (79) ءۆریگی گۆڵی دووەمی خۆی و چوارەمی یانەی لێڤەرپوڵی تۆمار كرد.

بەم ئەنجامەش یانەی لێڤێرپوڵ خۆی گەیاندە یاریی كۆتایی خولی یانە پاڵەوانەكانی ئەوروپا و بەرشەلۆنەش ماڵئاوای لە چامپیۆنس لیگ كرد. 



Copyright © 2017 Xendan.org all rights reserved

designed and developed by AVESTA GROUP