ڤیدۆ.. لێڤەرپوڵ بەزەحمەت سەركەوتنی بەدەستهێنا

5/5/2019 12:17:00 AM 1927 جار خوێندراوەتەوە

خەندان سپۆرت

 

لەمیانەی یارییەكانی هەفتەی 37ی خولی یانەكانی ئینگلتەرا یانەی نیوكاسڵ یونایتد لە یاریگای خۆیدا میوانداری یانەی لێڤەرپوڵی ئینگلیزی كرد.

 

لەنیوەی یەكەمی یارییەكەو لەخولەكی (13) فێرجیل ڤان دایك گۆڵی پێشكەوتنی بۆ یانەی میوان تۆمار كرد، بەڵام لە خولەكی (20)ی یارییەكە كرستیان ئاتسۆ گۆڵی بەرامبەری بۆ یانەكەی تۆمار كردەوە، پاشان لە خولەكی (28) محمد سەڵاح گۆڵی دووەمی بۆ یانەی لێڤەرپوڵ تۆمار كردو نیوەی یەكەمی یارییەكە بە پێشكەوتنی یانەی لێڤەرپوڵ كۆتاییهات بە ئەنجامی (2-1) گۆڵ.

 

لەنیوەی دووەمی یارییەكەدا و لەخولەكی (54) خۆسیە رۆندۆن گۆڵی بەرامبەری بۆ یانەی نیوكاسڵ تۆمار كردەوە، یاریزانانی یانەی لێڤەرپوڵ لە هێرشەكانیان بەردەوام بوون تا لەخولەكی (86) دیفۆك ئۆریگی گۆڵی پێشكەوتنی بۆ یانەی لێڤەرپوڵ تۆماركردو یارییەكەش بەئەنجامی (3-2) گۆڵ لەبەرژەوەندی یانەی یانەی ریدز كۆتاییهات.

 

بەم ئەنجامە یانەی لێڤەرپوڵ بە كۆكردنەوەی (94) خاڵ گەراییەوە پێشەنگی یانەكانی پریمەرلیگ.


نیشانەکردن :

#لیڤەرپوڵ #پریمه‌رلیگ

Copyright © 2017 Xendan.org all rights reserved

designed and developed by AVESTA GROUP