ڤیدۆ.. ئارسناڵ سەركەوتنێكی گرنگی تۆماركرد

5/3/2019 11:33:00 AM 1424 جار خوێندراوەتەوە

خەندان سپۆرت

 

لەیارییەكانی یۆروپا لیگ و لە یاریی چونی قۆناغی نیوەی كۆتایی یانەی ئارسناڵ لە یاریگای خۆیدا میوانداری یانەی ڤالەنسیای ئیسپانی كرد.

 

لەنیوەی یەكەمی یارییەكەدا و لە خولەكی (11) موختار دیاگابی گۆڵی پێشكەوتنی بۆ یانەی ڤالەنسیا تۆماركرد، بەڵام دوای تەنها حەوت خولەك لاكازایت گۆڵی بەرامبەری بۆ یانەی گەنەرز تۆمار كردوە، هەمان یاریزان لە خولەكی (26) گۆڵی دووەمی خۆی و یانەكەی تۆماركرد، نیوەی یەكەمی یارییەكەش بە پێشكەوتنی یانەی خاوەن یاریگا كۆتایهات.

 

لەنیوەی دووەمی یارییەكەدا یاریزانانی ڤالەنسیا هەوڵی یەكسانكردنەوەی ئەنجامەكەیان دەدا و ئارسناڵیش هەوڵی مسۆگەركردنی ئەنجامەكەی بوو، لە دوا خولەكی یارییدا ئۆبامیانگ گۆڵی سێیەمی بۆ یانەی ئارسناڵ تۆماركردوو یارییەكەش بە ئەنجامی (3-1) گۆڵ لەبەرژەوەندی یانەی ئارسناڵی ئینگلیزی كۆتایی هات.

 

رۆژی پێنج شەممەی داهاتووش و لە یاریی گەڕانەوەدا یانەی ڤالەنسیا لە یاریگای خۆیدا میوانداری یانەی ئارسناڵ دەكات.


نیشانەکردن :

#ئارسناڵ #یۆرۆپا لیگ

Copyright © 2017 Xendan.org all rights reserved

designed and developed by AVESTA GROUP