ریاڵ مەدرید دەست بەرداری پێنج یاریزان دەبێت

4/25/2019 10:56:00 AM 12363 جار خوێندراوەتەوە

خەندان سپۆرت

 

راهێنەری یانەی ریاڵ مەدریدی ئیسپانی لە مێركاتۆی هاوینەدا بە نیازە چەند یاریزانێك بۆ یانەكەی بگوازێتەوەو لەگەڵ ئەوەشدا چەند یاریزانێكی دیكە دوور بخاتەوە.

پیپی ئیسترادا لەلێدوانێكیدا لە پرۆگرامی بەناوبانگی چیرینگیتۆ ووتی.. زیدان لە ئێستاوە ناوی ئەو یاریزانانەی دەست نیشان كردوە كە لە دەرەوەی پلانەكانیایەتی بۆ وەرزی داهاتوو، بۆ ئەم مەبەستەش ناوەكانی داوە بە ئیدارەی یانەكە بۆ ئەوەی لە ئەگەری هاتنە پێشی هەر گرێبەستێكدا ئەو یاریزانانە روو لە یانەیەكی دیكە بكەن.

پیپی ئیسترادا ئەوەشی ووتوە كە یاریزانە دوور خراوەكان بۆ وەرزی داهاتوو پێك دێن لە (گاریس بەیل و ماریانۆ دیاز و سیبایۆس و ناتچۆ و ریگۆلۆن) كە دەبێت ئەم یاریزانانە لە هاوینی داهاتوو روو لە یانەیەكی دیكە بكەن.

چەند سەرچاوەیەكی رۆژنامەوانی لە چەند رۆژی رابردودا ئاشكرایان كرد كە گاریس بەیل داوای لە ئیدارەی یانەكەی كردوە رێگە بە مانەوەی بدەن لەریاڵ مەدرید، بەڵام دیارە زیدان لەو بارەیەوە بریاری كۆتایی داوەو هیوایەك بۆ مانەوەی بەیل لە یانەكە نەماوە.


نیشانەکردن :

#ریال مەدرید #زێدان

Copyright © 2017 Xendan.org all rights reserved

designed and developed by AVESTA GROUP