زیدان.. لەئێستاوە بۆ لیگای وەرزی داهاتوو دەجەنگین

4/24/2019 8:27:00 PM 10600 جار خوێندراوەتەوە

خەندان سپۆرت

 

زینەدین زیدانی فەرەنسی و راهێنەری یانەی ریاڵ مەدریدی ئیسپانی تەكیدی لەوە كردەوە كە وەرزی داهاتوو كێبركێی یانەی بەرشەلۆنە دەكەن لە پێناو بەدەستهێنانی نازناوی وەرزی داهاتووی خولی یانەكانی ئیسپانیا.

زیدان لە لێدوانێكی رۆژنامەوانیدا ووتی.. لەیەكەم خولەكی یەكەمین یاریمان لە وەرزی دهاتوودا هەوڵی خۆمان دەدەین و یاریی دوای یاریی دەجەنگین لە پێناو نازناوی وەرزی داهاتووی خولی یانەكانی ئیسپانیا.

زیدان ووتیشی.. ریاڵ مەدرید لە بەدەستهێنانی نازناوی خولی یانەكانی ئیسپانیا زۆر لە پێش یانەی بەرشەلۆنەوەویەو ئێمە خاوەنی 33 نازناوین، ئەی بەرشەلۆنە چەند نازناوی هەیە؟ نازنازی خولی یانەكانی ئیسپانیا لای من گرنگەو وەرزی داهاتوو هەموو هەوڵێكی خۆمان دەدەین لە پێناو بەدەستهێنانی ئەو نازناوەدا.

لەكۆتاییدا ئەو راهێنەرە ووتی.. جامی شای ئیسپانیا و خولی یانەكانی ئیسپانیا بۆ یانەی ریاڵ مەدرید گرنگی خۆی هەیەو بەردەوام هەوڵ دەدەین لە پێناو بردنی ئەو نازناوانە، ئەو دەنگۆیانە دورن لە راستیەوە كە گوایە ئێمە تەنها گرنگی بە نازناوی خولی یانە پاڵەوانەكانی ئەوروپا دەدەین.



Copyright © 2017 Xendan.org all rights reserved

designed and developed by AVESTA GROUP