نێیمار بە پۆستێكی گومان لەسەر داهاتووی دروست دەكات

4/24/2019 6:08:00 PM 17194 جار خوێندراوەتەوە

خەندان سپۆرت

 

نێمار داسیلڤای بەرازیلی و یاریزانی یانەی پاریس سانجێرمان دوای دابڕانی بۆ ماوەیەكی زۆر بەهۆی پێكانەوە هەفتەی پێشوو گەڕایەوە بۆ یاریگاكان و دژی یانەی مۆناكۆ یەكەمین یاریی ئەنجامدا.

ئەم یاریزانە لە تۆڕی كۆمەڵایەتی ئینستاگرامی تایبەت بەخۆی نامەیەكی بۆ هەوادارانی ناردوە، كەگومان لەسەر داهاتووی خۆی دروست دەكات و نوسیویەتی.. من گەڕامەوە بۆ پرۆژەیەكی نوێ و سوپاس سوپاس سوپاس.

وێنەیەكیشی داناوە كە درێسی یانەكەی لەبەر نیەو ئەمەش گومانی لەسەر داهاتووی ئەو یاریزانە دروست كردوەو رۆژنامەكان هەریەك بەجۆرێك لێكدانەوە بۆ ئەو پۆستەی نێیمار دەكەن.

نێیمار لە پۆستەكەدا بە زمانەكانی پورتوگالی و فەرەنسی و ئینگلیزی سوپاسی هەوادارانی كردوە، كە راگەیاندنە فەرەنسیەكان لێكدانەوە بۆ ئەوە دەكەن كە ئەو یاریزانە ئیشارەت بۆ كاری نوێ دەكان و لە هەفتەكانی داهاتوودا نیازەكەی دەردەكەوێت.

ئەوەی گومانەكان زیاتر دەكات دوای ماوەیەكی كورت ئەو یاریزانە پۆستەكەی سڕیوەتەوە لە ئەكاونتە تایبەتەكەی، كەئەمەش ئاماژەیەكە بۆ ئەوەی ئەو یاریزانە روو لە یانەیەكی دیكە دەكات.



Copyright © 2017 Xendan.org all rights reserved

designed and developed by AVESTA GROUP