پێرێز باسی هەڵەیەكی خۆی دەكات

4/24/2019 12:06:00 PM 36853 جار خوێندراوەتەوە

خەندان سپۆرت

 

سەرۆكی یانەی ریاڵ مەدریدی ئیسپانی فلۆرەنتینۆ پێرێز دان دەنێت بە هەڵەیەكی گەورەی خۆیداو ڕاشكاوانە باس لە گرێبەستێكی هەڵەی یانەكەی دەكات.

سەرژاوەیەكی نزیك لە یانەی ریاڵ مەدریدەوە ئاشكرایكردوە كە سەرۆك بە ئاشكرا باسی لەوە كردوە كە هەڵەیەكی زۆر گەورەی كردوە كە تیبۆ كۆرتوای گۆڵپارێزی بەلژیكی و یانەی چێڵسی گواستۆتەوە بۆ ریزەكانی یانەكەی.

سەرۆك بە هاوڕێكانی ووتوە ئێمە پێویستمان بە گۆڵپارێز نەبوە، نازانم بۆ كارێكی لەو شێوەیەم كردو تیبۆ كۆرتوام گواستەوە.

سەرچاوە رۆژنامەوانیەكانی ئیسپانیاش باس لەوە دەكەن كە ئیدارەی یانەكە لەسەر داوای پێرێز بیر لە فرۆشتنی كۆرتواو ناڤاس دەكەنەوەو لە جێگەی ئەو دوو گۆڵپارێزە دی خیای ئیسپانی گۆڵپارێزی یانەی مانچستەر یونایتد بۆ ریزەكانیان دەگوازنەوە.

لەسەرتای وەرزی ئەمساڵ تیبۆ كۆرتوا لە یانەی چێڵسی ئینگلیزییەوە بەبڕی 40 ملیۆن یۆرۆ روی ل یانەی ریاڵ مەدرید كردو لە جێگەی كلیۆر ناڤاس بوە گۆڵپارێزی یانەكەی بەڵام نەیتوانی ئاستێكی باش پێشكەش بكات و ئەگەری زۆرە ئیدارەی یانەكەی دەست بەرداری بن.



Copyright © 2017 Xendan.org all rights reserved

designed and developed by AVESTA GROUP