لێدوانی پۆچیتینۆ دوای یارییەكە

4/18/2019 10:24:00 AM 2292 جار خوێندراوەتەوە

خەندان سپۆرت

 

لە یارییەكانی خولی یانە پاڵەوانەكانی ئەوروپا و لە قۆناغی چارەكی كۆتایی پاڵەوانێتیەكەو لە یاریی گەڕانەوەدا یانەی مانچستەر سیتی لە یاریگای خۆیدا میوانداری یانەی تۆتنهامی كردو لە یارییەكی دراماتیكیدا تۆتنهام سەركەوتنی بۆ قۆناغی داهاتووی چامپیۆنس لیگ مسۆگەركرد.

دوای یارییەكەو لە لێدوانێكیدا بۆ ڕۆژنامەنوسان پۆچیتینۆ ووتی.. نازانم چۆن سوپاسی ئاستی یاریزانانی یانەكەم بكەم، بەراستی ئاستێكی بێ وێنەیان پێشكەش كرد ئەوان پاڵەوان بوون، ئەنجامی كۆتایی یارییەكە باوەڕ پێ نەكراو بوو بەراستی شانازی بە یاریزانەكانمەوە دەكەم و ئێمە زۆر دڵخۆشین.

راهێنەرەكەی تۆتنهام ووتیشی.. لەگەڵ ئەوەی یانەی مانچستەر سیتی باشترین یانەیە لەسەر ئاستی ئەوروپا، بەڵام ئێمە توانیمان كەسایەتی خۆمان پیشان بدەین و بەسەر ئەو یانەیەدا بگەینە قۆناغی داهاتووی پاڵەوانێتیەكە.

لە كۆتاییدا پۆچیتینۆ ووتی.. یاریی داهاتوومان بەرامبەر ئەیاكس قورس دەبێت، چونكە ئەوان كۆمەڵێ یاریزانی لاون كە دوو یانەی بەهێزی وەك ریاڵ مەدرید و یۆڤانتۆسیان لە پاڵەوانێتیەكە دوورخستۆتەوە.



Copyright © 2017 Xendan.org all rights reserved

designed and developed by AVESTA GROUP