ڤیدۆ.. لێڤەرپوڵ لەناو پۆرتۆش بردیەوە

4/18/2019 12:22:00 AM 2404 جار خوێندراوەتەوە

خەندان سپۆرت

 

لەیاریی گەڕانەوەی قۆناغی چارەكی كۆتایی چامپیۆنس لیگ یانەی پۆرتۆی پورتوگالی لە یاریگای خۆیدا میوانداری یانەی لێڤەرپوڵی ئینگلیزی كرد.

 

نیوەی یەكەمی یارییەكە بە ئەنجامی گۆڵێكی بێ وەڵام لەبەرژەوەندی لێڤەرپوڵ كۆتایی هات و گۆڵەكەش لە خولەكی (26) سادیۆ مانی تۆماری كرد.

 

لە نیوەی دووەمی یارییەكەدا یانەی میوان بە ئاستێكی بەرزتر دەركەوتن و لەخولەكی (65) محمد سەڵاح گۆڵی دووەمی بۆ یانەكەی تۆماركرد، دوای ئەم گۆڵەو لە خولەكی (69) ئیدێر میلیتۆ گۆڵێكی بۆ یانەی پۆرتۆ تۆمار كرد، بەڵام كوڕانی كلۆپ بە توندی وەڵامی ئەو تاكە گۆڵەیان دایەوەو لە رێگەی فێرمینۆ و ڤان دایك لە خولەكەكانی (77 و 84) دوو گۆڵی لەسەر یەكیان تۆمار كرد.

 

سەرئەنجام لێڤەرپوڵ یارییەكەی لە دەرەوەی یاریگای خۆی بردەوە بە ئەنجامی (4-1) گۆڵ و خۆیان گەیاندە چوارگۆشەی زێڕینی پاڵەوانێتیەكەو لەوێشدا بەرامبەر بەرشەلۆنە یاریی دەكەن.



Copyright © 2017 Xendan.org all rights reserved

designed and developed by AVESTA GROUP