لێدوانی سۆڵشایەر دوای شكستەكەیان

4/17/2019 10:44:00 AM 15248 جار خوێندراوەتەوە

خەندان سپۆرت

 

لە یارییەكانی خولی یانە پاڵەوانەكانی ئەوروپا و لە یاریی گەڕانەوەی قۆناغی چارەكی كۆتایی ئەو پاڵیەوانێتیە یانەی مانچستەر یونایتد بە سێ گۆڵی بێ وەڵام بە یانەی بەرشەلۆنەی ئیسپانی دۆڕا.

دوای یارییەكەو لە كۆنفرانسی رۆژنامەوانیدا سۆڵشایەر ووتی.. سەرەتایی یارییەكە بە ئاستێكی باش دەركەوتین و چەند هێرشێكمان ئەنجامداو فشمارمان كردو تۆپمان دا لە ستونی بەرشەلۆنە، بەڵام دواتر و لە ماوەی 5 خولەكدا هەموو شتێك كۆتایی هات.

راهێنەرەكەی مان یونایتد ووتیشی.. ماوەی چەند ساڵێكە مێسی و ڕۆناڵدۆ باشترین یاریزانی جیهانن، گەر بێت و بۆشای بۆ ئەم جۆرە یاریزانانە دروست بێت لە نێو یاریگادا دەتكوژن، مێسی بەهرەمەندێكی تایبەتەو لە نێو یاریگادا هەموان ئەومان بینی، دی خیا تۆپی باشی گەڕانەوە بەڵام لەگەڵ ئەوەشدا هەڵەی ئەنجامدا، دواجار ئەویش وەك ئێمە مرۆڤەو هەڵە دەكات.

لە كۆتایدا سۆڵشایەر ووتی.. من دژی بەرشەلۆنە ناوەستمەوە گرەو دەكەم كە ئەو یانەیە نازناوی خولی یانە پاڵەوانەكانی ئەوروپا دەباتەوە.



Copyright © 2017 Xendan.org all rights reserved

designed and developed by AVESTA GROUP