كۆنفرانسی رۆژنامەوانی سۆڵشایەر

4/15/2019 9:24:00 PM 1722 جار خوێندراوەتەوە

خەندان سپۆرت

 

   لەچوارچێوەی یارییەكانی خولی یانە پاڵەوانەكانی ئەوروپا و لە قۆناغی چارەكی كۆتایی ئەو پاڵەوانێتیەدا سبەی یانەی مانچستەر یونایتد دەبێتە میوانی یانەی بەرشەلۆنەی ئیسپانی.

لە كۆنكرەیەكی رۆژنامەوانیداو پێش ئەنجامدانی یارییەكەیان سۆلشایەر ووتی.. هیوام وایە ئەوەی لەبەرامبەر پاریس سانجێرمان ئەنجاماندا بتوانین لەبەرامبەر بەرشەلۆنە ئەنجامی بدەینەوەو سەركەوتن تۆمار بكەین، بەڵام یاریزانانی یانەی بەرشەلۆنە بەردەوام كۆنتڕۆی تۆپ دەكەن و یارییەكە ئاسان نابێت بۆمان، چونكە تەنها یەك هەڵە ئەنجام بدەین مێسی و سوارێز گۆڵمان لێ تۆمار دەكەن.

راهێنەری شەیتانە سورەكان ووتیشی.. لە یاریی تۆپی پێدا هەموو شتێك ڕودەدات و هەموو ئەنجامێك چاوەڕوان كراوە، بۆیە لام گرنگ نیە كەی گۆڵ تۆمار دەكەین گرنگ ئەوەیە بتوانین گۆڵ تۆمار بكەین، پێویستە هەوڵی گۆڵ دروست كردن بدەین و پێویستمان بەوەیە بە تەواوی ئاگامان لە دۆخی یارییەكە بێت چوكە ڕكابەرییەكی گەورەو بەهێز لەبەر دەماندایە.

سۆڵشایەر ووتیشی .. بۆ ئەم یارییە زۆر گرنگە سانچێز بەشداری بكات چونكە پێشتر لە یانەی بەرشەلۆنە یاریی كردوەو بە تەواوی بۆ یارییەكەیە ئامادەیە، سەبارەت بە پۆگباش دڵیام لە باشرین ئاستی خۆیدا دەبێت و تواناكانی پیشانی هەموان دەدات و خۆی دەسەلمێنێت.

لەكۆتایدا ئەو راهێنەرە ووتی.. پێویستە لەسەرمان باشترین ئاستی خۆمان پێشكەش بكەین، دەبێت پشت بە هێرشی هەڵگەراوە ببەستین لە پێناو ئەوەی پانتای یاریگا بەڕوماندا بكرێتەوە، پێویستە سوود لە تۆپە وەستاوەكان ببینین و چاوەڕێی ئاستێی بەرز لە یاریزانەكانم دەكەم.

 



Copyright © 2017 Xendan.org all rights reserved

designed and developed by AVESTA GROUP