ڤیدۆ.. ئارسناڵ نیوەی ڕێگاكەی بڕی

4/11/2019 11:50:00 PM 1421 جار خوێندراوەتەوە

خەندان سپۆرت

 

لە یارییەكانی خولی یۆرۆپا لیگ و لە یاریی چونی قۆناغی چارەكی كۆتایی ئەو پاڵەوانێتیە یانەی ئارسناڵ لە یاریگای خۆیدا میوانداری یانەی ناپۆلی كرد.

 

لە نیوەی یەكەمی یارییەكەدا ئارسناڵ دەست پێشخەری كرد لە تۆمار كردنی گۆڵ و لە خولەكی (15) ئارۆن رامسی گۆڵی پێشكەوتنی تۆمار كرد، بەهۆی فشارە بەردەوامەكانی یانەی ئارسناڵەوە بەهەڵە كۆلیبالی گۆڵێكی لە خۆیان تۆمار كرد كە گۆڵی دووەمی ئارسناڵ بوو، سەر ئەنجام نیوەی یەكەمی یارییەكە بە دوو گۆڵی بێ وەڵام لە بەرژەوەندی ئارسناڵ كۆتایی هات.

 

نیوەی دووەمی یارییەكەش لەگەڵ هەوڵی یاریزانانی هەردوو یانە بۆ تۆماركردنی گۆڵ، بەڵام هیچ گۆڕانێك بەسەر ئەنجامی یارییەكەدا نەهاتوو ئارسناڵ بە ئەنجامی دوو گۆڵی بێ بەرامبەر یارییەكەی بردەوە.



Copyright © 2017 Xendan.org all rights reserved

designed and developed by AVESTA GROUP