ناسر خلێف دەیەوێت یانەیەكی گەورەی ئیتاڵیا بكڕێت

4/10/2019 5:16:00 PM 9408 جار خوێندراوەتەوە

خەندان سپۆرت

 

راگەیاندنەكانی فەرەنسا ئاشكرایان كردوە كە سەرۆكی یانەی پاریس سانجیرمانی فەرەنسی پلان دادەنێت بۆ كڕینی یانەكی گەورە لە ئیتاڵیا و دەیانەوێت بە هەمان شێوەی پاریس ناوی ئەو یانەیەش لە ئەوروپاو جیهاندا بەرز بكاتەوە.

رۆژنامەی لیكیپی فەرەنسی ئاشكرایكردوە كۆمپانیاكانی قەتەر بۆ وەبەرهێنان دەیانەوێت بە شێوەیەكی كۆتایی تەواوی پشكەكانی یانەی رۆما بكڕنەوەو ناسڕ خلێف ببێتە خاوەنی ئەو یانەی رۆمای پایتەخت.

رۆژنامەكە ئاشكرایكردوە كە كاربەدەستانی كۆمپیانیاكانی قەتەر بۆ وەبەرهێنان بڕی 400 ملیۆن یۆرۆیان پێشكەشی سەرۆكی یانەی رۆما كردنەوە لەپیناو كڕینەوەی یانەكە، بەڵام جیمس بالۆتای سەرۆكی یانەی رۆما ڕەتیكردۆتەوە بەو بڕە پارەیە دەست بەرداری یانەكەی بێت.

رۆژنامەكە ئەوەشی ئاشكرا كردوە كە سەرۆكەكەی یانەی رۆما بە هەموو شێوەیەك رەتیكردۆتەوە دەسبەرداری یانەكەی بێت، وە ئامادە نیە بە هیچ شێوەیەك لە هەر باردۆخێكدا یانەی رۆما بفرۆشێت.

رۆژنامەی لیكیپ ئەوەشی ئاشكرا كردوە كە ناسڕ خلێف ئامادەیە بە هەموو شێوەیەك هەوڵەكانی زیاتر بكات لە پێناو كرینی ئەو یانەیە، چونكە بە پێی لێكدانەوەی شارەزایانی ئابووری كۆمپانیا قەتەریەكە كڕینی یانەكەی پایتەختی ئیتاڵیا لە رووی ئابورییەوە سودێكی زۆر بە كۆمپانیاكەیان دەگەیەنێت.



Copyright © 2017 Xendan.org all rights reserved

designed and developed by AVESTA GROUP