ڤیدۆ.. بەرشەلۆنە سەركەوتنێكی گەورەی تۆماركرد

4/6/2019 11:39:00 PM 5299 جار خوێندراوەتەوە

خەندان سپۆرت

 

لە یاریی لوتكەی هەفتەی 31ی یانەكانی ئیسپانیا یانەی بەرشەلۆنە لە یاریگای خۆیدا میوانداری یانەی ئەتلەتیكۆ مەدریدی كرد.

 

نیوەی یەكەمی یارییەكە بە بێ گۆڵ كۆتاییهات لەگەڵ ئەوەی یاریزانانی هەردوو یانە هەوڵی زۆریاندا بۆ تۆماركردنی گۆڵ بەڵام بێ ئاكام بوو، روداوی گرنگی ئەم نیوەیە دەركردنی دیگۆ كۆستای هێرشبەری یانەی ئەتلەتیكۆ مەدرید بوو بە كارتی سوور لەخولەكی (28)ی یارییەكەدا.

 

لەنیوەی دووەم یاریزانانی یانەی بەرشەلۆنە بە سود وەرگرتن لە كەمی ژمارەی یاریزانانی یانەی ئەتلەتیكۆ فشاری زیاتریان دەخستە سەر گۆڵی یانەی میوان، تا لە خولەكی (85) لویس سوارێز موشەك ئاسا گۆڵی پێشكەوتنی بۆ كەتەلۆنیەكان تۆماركرد، دوای تێپەڕبونی تەنها یەك خولەك لیۆنێل مێسی گۆڵی دووەمی بۆ بەرشەلۆنە تۆمار كردو یارییەكەشیان بە دوو گۆڵی بێ وەڵام لەبەرژەوەندی خۆیان كۆتایی پێهێنا.

 

بەم بردنەوەیەش یانەی بەرشەلۆنە بە كۆكردنەوەی (73) خاڵ پلەی یەكەمی یانەكانی لالیگای گرتوەو ئەتلەتیكۆ مەدریدش بە كۆكردنەوەی (62) خاڵ ریزبەندی دووەمی خولەكەی گرتوە.



Copyright © 2017 Xendan.org all rights reserved

designed and developed by AVESTA GROUP