ڤیدۆ.. سەڵاح فریای لێڤەرپوڵ كەوت

4/5/2019 11:49:00 PM 4256 جار خوێندراوەتەوە

خەندان سپۆرت

 

لەدەستپێكی یارییەكانی هەفتەی 33 خولی یانەكانی ئینگلتەرا یانەی ساوسهامبتۆن لە نێو یاریگای خۆیدا میوانداری یانەی لێڤەرپوڵی كرد.

 

زۆر بەخیرای یانەی خاوەن یاریگا دەست پێشخەری كرد لە تۆماركردنی گۆڵ و لە خولەكی (9)ی یارییەكەدا (شین لۆنگ) گۆڵی پێشكەوتنی بۆ ساوسهامپتۆن تۆماركرد، بەڵام یانەی لێڤەرپوڵ دوای ئەم گۆڵە ریزەكانی رێكخستەوەو دەستی كرد بەهێرشكردن كرد بۆ سەر گۆڵی یانەی بەرامبەرو لەئەنجامداو لەخولەكی (36)ی یارییەكەدا (نابی كایتا) گۆڵی بەرامبەری بۆ ریدز تۆماركردەوە.

 

لەنیوەی دووەمی یارییەكەدا یاریزانانی لێڤەرپوڵ لە هەوڵەكانیان بەردەوام بوون لە پێناو گەڕانەوە بۆ پێشەنگی خولەكە، سەڵاح لە خولەكی (80) فریای یانەكەی كەوت و گۆڵی دووەمی بۆ لێڤەرپوڵ تۆمار كرد، پاشان لە خولەكی (86) (جۆردان هندرسۆن) گۆڵی سێیەم و دڵنیایی بۆ یانەی لێڤەرپوڵ تۆمار كردو یاریەیكەشیان بە سێ گۆڵ بەرامبەر بە گۆڵێك لەبەرژەوەندی خۆیان كۆتایی پێهێنا.

 

بەم بردنەوەیە یانەی لیڤەرپوڵ گەراییەوە پێشەنگی خولەكە بە كۆكردنەوەی (82) خاڵ و بە جیاوازی تەنها (2) خاڵ لەگەل یانەی مانچستەر سیتی، ریزبەندی یەكەمی پۆیمەرلیگی گرتووە.


نیشانەکردن :

#پریمه‌رلیگ #لیڤەرپوڵ

Copyright © 2017 Xendan.org all rights reserved

designed and developed by AVESTA GROUP