بایرن میونشن ئەستێرەیەكی فەرەنسی گواستەوە

3/27/2019 8:02:00 PM 3349 جار خوێندراوەتەوە

خەندان سپۆرت

 

لەئێستاوە ئیدارەی یانەی بایرن میونشنی ئەڵمانی خۆی بۆ وەرزی نوێ ئامادە دەكات و بۆ ئەو مەبەستەش گرێبەستێكی نوێی ئەنجامدا.

ئیدارەی یانە ئەڵمانییەكە لە پێگەی تایبەتی خۆی لەتۆڕی كۆمەڵایەتی ئینستاگرام گواستنەوەی یاریزانێكی فەرەنسی راگەیاند، كە ئەویش بەرگریكاری یانەی ئەتلەتیكۆ مەدریدی ئیسپانی لۆكاس هێرناندزە كە توانی هاوینی رابردوو لەگەڵ هەڵبژاردەی فەرەنسا نازناوی جامی جیهانی بەرێتەوە، گواستنەوەی ئەم بەرگریكارە فەرەنسیە بە بڕی 80 ملیۆن یۆرۆ ئەنجامدراو لەگەڵ كۆتایی هاتنی یارییەكانی ئەم وەرزەی خولی ناوخۆی ووڵاتانی ئەوروپا پەیوەندی بە یانە نوێكەیەوە دەكات و گرێبەستەكەشی بۆ ماوەی پێنج ساڵە.

بەهۆی خراپی ئەنجامەكانیانەوە لەم وەرزەی خولی یانە پاڵەوانەكانی ئەوروپاو هەروەها رۆیشتنی چەند ئەستێرەیەك لە یانەكە ئیدارەی یانەی پاڤاری بە هێزەوە  ڕوی لە بازاڕای گواستنەوەی یاریزانان كروەو دەیانەوێت چەند گرێبەستی نوێ ئەنجام بدەن لە پێناو ئامادەكردنی تیمێكی بەهێز و تۆكمە بۆ وەرزی داهاتووی ركابەرە ئەوروپیەكان. 



Copyright © 2017 Xendan.org all rights reserved

designed and developed by AVESTA GROUP