سیمیۆنی هەڕەشە لە یۆڤانتۆس دەكات

2/20/2019 11:45:00 AM 5322 جار خوێندراوەتەوە

خەندان سپۆرت

 

راهێنەری یانەی ئەتلەتیكۆ مەدردیی ئیسپانی دیگۆ سیمیۆنی ئەرژەنتینی هەڕەشەی توند لە یانەی یۆڤانتۆسی ئیتاڵی دەكات و بەڵێنی ئەوە دەدات كە هاندەرانی یانەكەی بە گروتینەوە لەم یارییەدا هانی یانەكەیان دەدەن و یاریگای میترۆپۆلیتانۆ بە ڕوی یارییزانانی یانە ئیتاڵییەكەدا دەتەقێنەوە.

بڕیارە ئەمشەو لە قۆناغی دووەمی خولی یانە پاڵەوانەكانی ئەوروپادا و لە یاریی چوندا یانەی ئەتلەتیكۆ مەدرید لە یاریگای خۆیدا میوانداری یانەی یۆڤانتۆسی ئیتاڵی بكات.

یاریی كۆتایی ئەم وەرزەی خولی یانە پاڵەوانەاكانی ئەوروپا لە نێو ئەو یاریگایەدا ئەنجام دەدرێت و سیمیۆنی راهێنەر نایەوێت ئەو هەلە لەدەست بدات و دەیەوێت بە هەرنرخێك بێت تیمەكەی یەكێك بێ لەو دوو یانەییەی یاریی كۆتای ئەم وەرزەی خولی یانە پاڵەوانەكانی ئەنجام دەدەن.

سەبارەت بە یاریی یانەكەی دژی یۆڤانتۆس ئەو راهێنەرە وتی.. ئارەزویەكی زۆرم هەیە بۆ ئەنجامدانی ئەم یارییە بەهێزانەو روبەروبونەوەی تیمێكی تۆكمەو بەهێز" بەبۆچونی من یارییەكە بۆ هەردوولا بەهێزە، وە ئێمە سود لە جۆرە یارییانە دەبینین بۆ گەشەدانی زیاتر بەخۆمان و بەرزبونەوەی ئاستی زیاتری یانەكەمان.

سەبارەت بەوەی ئەم یارییە وەك یاریی كۆتایی وایە بۆیان؟ سیمیۆنی ووتی.. نەخێر، بەڵكو ئەمە یەكێكە لە بەهێزترین یارییەكانی قۆناغی 16ی چامپیۆنس لیگ، وە بە بردنەوە لەم یارییە نازناوەكە بەدەست ناهێنین،  بەڵام خاوەنی كۆمەڵێك یاریزانی بەتواناین و توانای بردنەوەمان هەیە. 

 



Copyright © 2017 Xendan.org all rights reserved

designed and developed by AVESTA GROUP