سالا بە خنکان نەمردوە

2/12/2019 1:56:00 PM 21934 جار خوێندراوەتەوە

خەندان سپۆرت

پاش دۆزینەوەى جەستەى یاریزانى ئەرژەنتینى ئیملیانۆ سالا لێکۆڵینەوەکان لەبارەى هۆکارى مردنى ئەو یاریزانەوە بەردەوامى هەیەو تیمى پزیشکى لە نوێترین پشکنیندا بۆیان دەرکەوتوە کە ئەو یاریزانە لە کاتى تێکشانى فرۆکەکەدا گیانى لەدەست داوە.

لەو بارەیەوە سەرچاوەکان لە ئینگلتەراوە ئاشکرایان کردووە کە نوێترین ڕاپۆرتی پزیشكی تەرمی ئەو یاریزانە ئەرژەنتینیە دەریخستووە، لەكاتی تێكشكانی فڕۆكەكەدا ئەو یاریزانە بە سەختى سەر و سنگی برینداربووە و پێش ئەوەى فرۆکەکە بکەوێتە نێو دەریاوە گیانی لەدەستداوە.

تیمى پزیشى لەبارەی چۆنێتی ناسینەوەی تەرمى ئەو یاریزانە، ئاماژەیان بەوەكردووە کە لەڕێی بەراوردكردنی پەنجەمۆرەوە زانیویانە ئەو تەرمە سالای یاریزانە نوێکەى یانەى کاردیف سیتیە.

سالاى تەمەن 28 ساڵ لە کاتى گەشتکردنى لە نانتەوە بە مەبەستى پەیوەندى کردن بە یانەى کاردیف سیتیەوە، لە فەرەنساوە بەرەو وێڵز بەڕێ کەوت و لە کاتى گەشتەکەیدا فرۆکەکەیان تێکشکاو لەگەڵ فرۆکەوانەکەدا گیانیان لەدەستدا.


 

 


نیشانەکردن :

#پریمه‌رلیگ

Copyright © 2017 Xendan.org all rights reserved

designed and developed by AVESTA GROUP