جامی جیهانی گەیشتە كرملین

11/29/2017 5:34:00 PM 4589 جار خوێندراوەتەوە

خەندان سپۆرت-

پێش راكێشانی تیروپشكی مۆندیالی 2018ی روسیا، ئەمرۆ جامی جیهان گەیشتە كۆشكی كرملین.

بڕیارە ئێوارەی هەینی لەكۆشكی كرملین لەمۆسكۆی پایتەختی روسیا، تیروپشكی یارییەكانی پاڵەوانێتی مۆندیالی 2018 رابكێشرێت.

مۆندیالی 2018 بەبەشداری 32 هەڵبژاردە بەرێوەدەچێت و هەڵبژاردە بەشداربووەكان بەسەر هەشت كۆمەڵەدا دابەش دەكرێن و هەر كۆمەڵەیەكیش لە چوار هەڵبژاردە پێك دێت ، هاوكات یەكەم و دووەمی هەر كۆمەڵەیەك بۆ قۆناغی 16ی پاڵەوانێتیەكە سەردەكەون.

ئەمڕۆ چوارشەممە جامی جیهانی گەیشتە كۆشكی كرملین و لە حەوشەی كۆشكەو بەئامادەبوونی سەدان رۆژنامەنوس نمایشكرا.

بڕیارە دوابەدوای راكێشانی تیروپشكەكە گەشتەكەی جامی جیهانی بەردەوامی هەبێت و تا دەسپێكی مۆندیال دەبرێت بۆ زیاتر لە 50 وڵات.



Copyright © 2017 Xendan.org all rights reserved

designed and developed by AVESTA GROUP