زێدان باسی ناکۆکی نێوان رۆناڵدۆ و رامۆس دەکات

11/17/2017 7:19:00 PM 48025 جار خوێندراوەتەوە

خەندان سپۆرت – 

زێنەدین زێدانی راهێنەری یانەی ریاڵ مەدرید لە ناکۆکی نێوان کریستیانۆ رۆناڵدۆ و سێرجیۆ رامۆس کەمدەکاتەوە.

لەماوەی رابردوودا رۆناڵدۆ رایگەیاند رۆشتنی چەند ئەستێرەیەکی سەر کورسی یەدەگی ریاڵ مەدرید کاریگەری لەسەر ئەنجامەکانیان لەوەرزی نوێدا دروست کردووە، لەبەرامبەردا سێرجیۆ رامۆس رایگەیاند بۆچونی ئەو بەپێچەوانەی رۆناڵدۆوەیە.

زێنەدین زێدانی راهێنەری مێرەنگی لەکۆنگرەی رۆژنامەوانی پێش یاریی یانەکەی بەرامبەر یانەی ئەتلەتیکۆ مەدرید لەسەر ئەو دوو لێدوانە جیاوازە لێدوانی داو رایگەیاند دوو یاریزانی هەیە مێژووی ریاڵ مەدریدن، هەردووکیان دەزانن چۆن یاری دەکەین و رێزی تەواویش لەیەکتر دەگرن.

وتیشی " ئەوەی دەوترێت بۆ ئێوەیە، ئێمە لەناوخۆماندا هێمنین، تەنیا بیر لەیاریی داهاتوو دەکەینەوە، بەڵێ بەدڵنیاییەوە هیوامان شکستی بەرشلۆنەیە، بەڵام گەر سەرکەوتنیش تۆماربکەن هیچ لە بابەتەکە ناگۆڕێت".

لەبەشێکی تری لێدوانەکەیدا و لەبارەی یانەی ئەتلەتیکۆ مەدریدەوە وتی هێزیان لە ئێمە کەمتر نییە، ئەوەی گرنگە ئێمە بەباشی یاریی بکەین و لەماوەی 90 خولەکدا تەواوی تواناکانمان بخەینە گەڕ.



Copyright © 2017 Xendan.org all rights reserved

designed and developed by AVESTA GROUP