بەوێنە.. کەژێ هاوتا رەش دەپۆشێت

خەندان لایف-

لە تۆڕە کۆمەڵایەتیەکان، خانمە هونەرمەندی کوردستان کەژێ هاوتا نوێترین وێنەی بە جلوبەرگی کوردی رەشەوە بڵاوکردەوە، بەڵام لەگەڵ وێنەکەدا بەسەر رەنگی رەشدا هۆنراوەیەکی هۆنیوەتەوە.

کەژێ لە هۆنراوەکەیدا دەڵێت  ..
تا ئێستا کەم کەس لە من گەييوە !
من بە نامۆو دێوەزمە ناسراوم کەچی وانيم ..
من لەگەڵ هەموو ڕەنگێ دەشێم و دەست لە ملانێ دەکەم 
من بۆ ئەزيەت باری و کزی هەڵبژێردراوم..
کەچی ئەمە ستەمێکی زۆر لە خۆی زياترە لێم دەکرێ
من گەر خۆم بکوتمە سەر هەر گۆناو گەردەنێ ،
نوسەران و خاوەن قەڵەم دەمکەنە نمونەی جوانی دڵبەريان..
(من نمونەی شەوم)
شەو جيهانی عاشقان وعاقڵان و عاريفانە،
شەو ئەم زەمينەيە سەرگەردانەکانی ڕۆژ خۆيان لەوێ دەبيننەوە..
من لە بۆ دڵتەنگان و دەست بەربوانی ئومێد و هيوا مۆرکی 
نا ئاراميم پێوەندراوە..
کراومەتە نموونەی باوک و، براو ،مردوو و،کوڕو،
هاوسەر لە دەست چوان ..
کەچی بۆ کاڵای باڵای باڵا دەستان شاکارێکی تايبەتيم ..
بەڵام من لەگەڵ ڕەنگی هەموو بەرگێ تێهەڵدەچم و ديمەنێکی ئاوێتە دروست دەکەم..

کەژێ، کچی هونەرمەند هاوتا ئەسعەد و برازای گۆرانیبێژ زیاد ئەسعەدە، لەشاری هەولێر لە دایک بووە، ماوەیەکی زۆرە هیچ کارێکی هونەری نوێی نییە.

 

ئه‌م بابه‌ته 174202 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP