خواردنەوە کهولییەکان مەترسی شێرپەنجە لەسەدا 500 زیاد دەکات

خەندان لایف-ئاکام محەمەد

 پزیشکان لە دەزگایەکی گەورەی پزیشکی ویلایەتە یەکگرتووەکانی ئەمەریکا هۆشداری دەدەن لە کەمکردنەوەی بڕی خواردنەوەی کهول.

لە تویژینەوە و سەژمێرییەکی نوێدا پزیشکانی کۆمەلگەی پزیشکی و شیکاری ئەمریکا(ASCO)  بە گرنگی دەزانن کە لەسەنتەرە پزیشکیەکان بە ئاشکرا پەیوەندی  نێوان خواردنەوە کهولیەکان و جۆرەکانی شێرپەنجە  باس بکرێت.

لەسەرژمێریەکەدا کە لەلایەن کۆمەڵەی  (ASCO)  ئەنجامداروە، سەرژمێری لەسەر سێ کۆمەڵە کەس کراوە،ئەوانەش:ئەوانەی بەرێژەیەکی کەم کهول بەکاردەهێنن،ئەوانەی بەرێژەیەکی مامناوەند بەکاری دەهێنن،لەگەل ئەوانەی کە بەرێژەیەکی زۆر کهول بەکار دەهێنن.
لەسەر ژمێریەکەدا هەرچەندە زیاتر مەترسی شێرپەنجە لەو کەسانەدا بینراوە کە بەرێژەیەکی زۆر کهول بەکاردەهێنن بەلام ئەو کەسانەشی کە بەرێژەی مامناوەند کهول دەخۆنەوە مەترسی توشبوون بە  شێرپەنجەیان هەیە .
رێژەی مامناوەند  دەکاتە زیاتر لە دوو خواردنەوە بۆ پیاوان و  یەک خواردنەوە بۆ خانمان،لەبەر ئەوەی پیاوان و خانمان بەرێژەی جیاواز توانای هەزمکردنی کهولیان هەیە.

بەپێی ئەندازە ستانداردەکان یەک خواردنەوە یەکسانە بە  355 میلیلیتر بیرە، 148  میلیلیتر شەراب و  44 میلیلیتر ڤۆدکا.

بەپێی توێژینەوە و سەرژمێری کۆمەڵەکە ئەو خانمانەی کە کەمتر لەیەک خواردنەوەیان هەیە لەرۆژێکدا ئەوا %4 مەترسی توشبوونیان بە شێرپەنجەی مەمک زیاترە، ئەگەر زیاتر لە یەک  خواردنەوە بێت لە رۆژێکدا  رێژەی تووشبونیان بەشێرپەنجەی مەمک %12 زیاترە،و ئەو خانمانەشی هەشت خواردنەوە و زیاتریان هەیە ئەوا مەترسی تووشبونیان %63 زیاترە.

هەر لە ئەنجامی توێژینەوەکەدا ئەوە خراوەتە ڕوو کە بەکارهێنەرانی خواردنەور کهولییەکان لە هەردوو رەگەز بە رێژەی بەرز(زیاتر لە هەشت خواردنەوە لە رۆژێکد) مەترسی شێرپەنجەی مل،پشت و قورگ بە رێژەی %500 زیاد دەکات!





ئه‌م بابه‌ته 19082 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP