ھەڵوێستی شاژنی بریتانیا لەبارەی جیابونەوەی شازادە هاری و مێگان مارکڵ لە دەسەڵاتی شاهانە

خەندان لایف

شاژن ئێلیزابێس، رەزامەندی دەبڕی بۆ جیابونەوەی شازادە هاری و مێگان مارکڵ لە خێزانی شاهانەی بریتانیا.
Image result for elizabeth ii meghan markle
شازادە هاری و مێگان مارکڵ دوای هەفتەیەک لەوەی ئاشکرایانکرد دەیانەوێت لە دەسەڵاتی شاهانە جیاببنەوە، شاژنی بریتانیا باسی لەوەکرد کە لەگەڵ شازادە ولیام، شازادە چارلز، شازادە هاری، مێگان مارکڵ گفتوگۆ دەربارەی ئەم بابەتە دەکەن و بڕیاری کۆتایی دەدەن.

دوای کۆتایی هاتنی کۆبونەوەکە، شاژن ئێلیزابێس رایگەیاند "من و خێزانی شاهانە پاڵپشتی شازادە هاری و مێگان مارکڵ دەکەین بۆ ئەوەی ژیانێکی نوێ دەست پێبکەن".

وتیشی "لەگەڵ ئەوەی ئێمە بە باشمان زانی وەکو دو ئەندامی خێزانی شاهانە بمێننەوە، بەڵام ئێمە رێز لە بڕیارەکەیان دەگرین، لە ئارەزوی هەبونی ژیانێکی سەربەخۆی ئەوان تێدەگەین و وەکو بەشێک لە خێزانی ئێمە دەمێننەوە".

هەفتەی رابردو هەردو دۆقی سوسێکس، شازادە هاری و مێگان مارکڵ، رایانگەیاند بڕیاریان داوە دەستبەرداری دەسەڵاتی شاهانەببن، خاوەنی ئابوریەکی سەربەخۆبن، پەرە بە بازرگانییە کەسیەکانی خۆیان بدەن، پلان دادەنێن بۆ ئەوەی کاتەکانیان رێکبخەن بۆ ئەوەی لە ئەمریکا و بریتانیا ژیان بەسەرببەن.
Image result for elizabeth ii meghan markle
شازادە هاری ئەوەشی خستەڕو لەپاڵ هەوڵەکانیان بۆ ئەوەی ببنە خاوەنی ئابوریەکی سەربەخۆ، بە تەواوی پاڵپشتی شاژنە ئێلیزابێس و خێزانی شاهانە دەکەن.

شازادە هاری کوڕی شازادە دیانا و شازادە چارلیزە، لە ساڵی 1984 لەدایک بوە، لە ناوەراستی ساڵی 2018 هاوسەرگیری لەگەڵ مێگان مارکڵ کرد، خاوەنی کوڕێکن بە ناوی ئارچی.

 

ئه‌م بابه‌ته 34175 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP