بە وێنە؛ شاجوانی گەردون بۆ ساڵی 2019 هەڵبژێردرا

خەندان لایف

لە مەراسیمێکدا بۆ هەڵبژاردنی شاجوانی گەردون، تیایدا شاجوانی باشوری ئەفریقا نازناوی شاجوانی گەردونی بۆ ساڵی 2019 بردەوە.

شەوی رابردو مراسیمی هه‌ڵبژاردنی شاجوانی گەردون بۆ ساڵی 2019 بەڕێوە چو، تیایدا خانمە مۆدێل و شاجوانی باشوری ئەفریقا بۆ ساڵی 2019، زۆزیبینی تونزی، توانی ببێتە خاوەنی نازناوی شاجوانی گەردونی 2019.

لەگەڵ هه‌ڵبژاردنی شاجواندا دو هاوەڵیشی بۆ دەستنیشانکرا، ئەوانیش شاجوانی مەکسیکۆ و شاجوانی پوێرتۆ ریکۆ.

زۆزیبینی تونزی دەربارەی هه‌ڵبژاردنی وەکو شاجوانی گەردون وتی "من لە شوێنێک گەورەبوم کە هەمو ئەو خانمانەی لەوێن هاوشێوەی منن، هەمان جۆری رەنگی پێست و هەمان قژن، کە هەرگیز نەماندەزانی کە ئێمە بەو شێوەیە جوان بین".

وتیشی "ئێستا کاتی ئەوەیە ئیتر لەو بیرکردنەوەیە بوەستین، من دەمەوێت منداڵەکان تەماشام بکەن و روخسارم ببینن، دەمەوێنن ببینن کە ئەوانیش وەکو من وان و جوانن".

 

ئه‌م بابه‌ته 11775 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP