شاباز زەمانی رونکردنەوە لەبارەی تەندروستیەوە دەدات

خەندان لایف

دوای ئەوەی لە چەند رۆژی رابردو شاباز زەمانی توشی روداوێکی هاتوچۆ ببو، رونکردنەوەیەکی لەبارەی تەندروستیەوە بڵاوکردەوە.

شاباز زەمانی لەلاپەڕەی فەرمی خۆی لە تۆڕی کۆمەڵایەتی ئینستاگرام رونکردنەوەیەکی لەبارەی تەندروستیەوە بڵاوکردەوە و دەڵێت "زۆر سوپاس بۆ هەواڵ پرسینەکانتان، من قەرزاری ئەو خۆشەویستیەی ئێوەم، لە ئێستادا تەندروستیم زۆر باشە".

ئەمە دوای ئەوە هات کە لە چەند رۆژی رابردودا لە رۆژهەڵاتی کوردستان شاباز زەمانی توشی روداوێکی هاتوچۆ ببو لەسەر رێگای ئۆریمە بۆ شاری شنۆ، کە بە هۆیەوە بریندار بو گەیەندرایە نەخۆشخانە، بەڵام لە ئێستادا تەندروستی جێگیرە.

دەربارەی کارە هونەریەکانی شاباز زەمانی، بەڕێوبەری کارە هونەریەکانی شاباز رایگەیاند "له‌ داهاتویه‌کی نزیک به‌ کۆمه‌ڵێک چالاکی هونه‌ری دەگەڕێتەوە، له‌ ئێستاشدا سه‌رقاڵی به‌رهه‌مێنانی فیلمێكی سینه‌ماییە له‌گه‌ڵ سینه‌مای ئێران کە لە دەرهێنانی میلاد فه‌یزوڵابه‌گ دەبێت"

ئه‌م بابه‌ته 44276 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP