بۆ خانمان.. بەم شێوەیە گەنجتر دەردەکەویت

خەندان لایف

خانمان بەگشتی ئارەزو دەکەن لە تەمەنی خۆیان گەنجتر دەبکەون، ئەمەش وادەکات زۆر جار پەنا بۆ ئەنجامدانی نەشتەرگەری ببەن، بەڵام پێویستە ئەوە بزانن جگە لە روخسار ئەو رەنگ و ستایلەی بۆ قژ و روخسار هەڵیدەبژێرن کاریگەری هەیە لەسەریان.

یەکەم: بۆ رەنگی قژ باشترە زیاتر رەنگە نۆخەکان هه‌ڵبژێریت، وەکو رەنگی قاوەیی، رەش مارۆنی، دوربکەوە لە رەنگی زەردی کاڵ و رەساسی.

دوەم: رۆژانە دژە خۆر بەکاربهێنە بۆ روخسار و ملت، چونکە بەرکەوتنی تیشکی خۆر دەبێتە هۆی زو چرچ بونی روخسار.

سێیەم: برۆی باریک وادەکات تەمەنت زۆرتر دەبکەوێت، هه‌ڵبژاردنی برۆی پان و پڕ گەنجتر دەرت دەخات، بەڵام زیادەروی تێدا مەکە.

چوارەم: بۆ سەرڕومەت رەنگی پەمەیی هەڵبژێرە، کەمتر رەنگی قاوەیی بەکاربهێنە.

پێنجەم: بۆ ستایلی قژت پەرچەم دابنێ، کە روخسارێکی منداڵترت پێدەبەخشێت.

شەشەم: قژ بەستن بە شێوەی کلکی ئەسپ تەمەنت کەمتر دەردەخات.

حەوتەم: بۆ سوراو رەنگی تۆخ بەکارمەهێنە، زیاتر رەنگی کاڵ و روناک بەکاربهێنە.

هەشتەم: کۆنسیلەر بەکاربهێنە بۆ ئەو شوێنانەی روخسارت کە هەست دەکەیت پێویستیەتی بە تایبەتی ژێرچاو.

نۆیەم: بۆ پشت چاو زیاتر رەنگی کاڵ بەکاربهێنە.

دەیەم: ناو چاوەکانت رەش مەکە، هەوڵبدە هەمان رەنگی پشت چاو بۆ ژێر چاوەکانت بەکاربهێنیت.

 

ئه‌م بابه‌ته 32397 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP