شاعیری لاو توانا فاضل كوتكراوەی یەكەم ئەلبومی بڵاوكردەوە

خەندان لایف

شاعیری لاو، توانا فاضل لە ڤیدیۆیەكدا كوتكراوەی یەكەم ئەلبومی بڵاوكردەوە كە لە 20 تراكی ڤیدیۆیی پێكهاتوە.

لەو بارەیەوە توانا فاضل بە خەندان-ی راگەیاند،"ڤیدیۆكە پێکهاتوە لەکورتکراوەی (20) تراكی ئەلبومی (لانی)و سەرجەم هۆنراوەکانی ئەڤیندارین و بەشێوەیەكی سەردەمیانە کارەکانم ئەنجامداوە. بەئومێدم جێی ڕەزامەندی هاوزمانیانی ئازیزبێت". 

ئەو شاعیرە كە یەكێكە لە ئەندامانی گروپی قەڵەم، كە گروپێكی رۆشنبیری و ئەدەبییە، وتیشی،"تەنها خۆم خاوەنی ئەم ئەلبومە نیم، بەڵكو كۆمەڵێك كەس هاوكارییان كردوم و دەمەوێت لە رێگەی خەندانەوە سوپاسی هەمو ئەوانە بكەم كە هاوكارم بون".

لەبارەی كاری داهاتوی، توانا فاضل رایگەیاند،"لەئێستادا سەرقاڵی ئامادەکارییم بۆ ئەلبومی دوەم کەبەخۆشحاڵیەوە بەشێکی باشی کارەکانی تەواوبوە، لە داهاتویەکی نزیکدا بەشێوازێکی جیاوازتر لە ئەلبومی یەکەم  ئەکەوێتە بەردییەو گوێی خۆشەویستانی شیعرو ئەدەب".

 

ئه‌م بابه‌ته 6959 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP