زرێبار هەورامی: من ئامادەم کارگەکانی وڵاتانی دەرەوە بهێنم و گەنجی کورد کاریان تێدا بکات


خەندان لایف

زرێبار هەورامی پەیامێک دەربارەی بایکۆتی کاڵای تورکی بڵاودەکاتەوە دەڵێت من ئامادەم کارگەکانی وڵاتی دەرەوە بهێنم و گەنجی کورد کاریان تێدا بکات، بە مەرجێک رێگری دروست نەکەن.

خانمە بازرگان و راگەیاندنکار "زرێبار هەورامی، لە تۆڕی کۆمەڵایەتی ئینستاگرام پەیامێک بڵاودەکاتەوە دەڵێت "مادەم بایکۆتی کاڵای تورکی دەکەن، هاواری بەرهەمی ناوخۆیی دەکەن، من ئامادەم نیوەی کارگەکانتان بۆ بێم لە وڵاتانی دیکەوە".

وتیشی "ئەو بازرگانانە رازین بە پارەی خۆیان کارگەکان دابنێن لە کوردستان، گەنجی کورد کاریان تێدا دەکات، بەڵام تەنها رێگە بدەن و مۆڵەت بدەن، رێگری دروست مەکەن، من هەموی دەکەم".

زرێبار هەورامی ساڵی 1993 لە قەندیل لەدایك بوە، سەرەتا وەك بێژەرەی هەواڵ  دەركەوت، بەڵام چەند ساڵێک لەمەوبەر وازی لە بێژەری هێنا، كارگەیەكی تایبەتی دورینی جل و بەرگی سەربازی دامەزراند.

ئه‌م بابه‌ته 10978 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP