نەڤید زەردی بڕیارێکی گرنگ دەدات و داوا لە هونەرمەندان دەکات هەمان بڕیار بدەن


خەندان لایف

نەڤید زەردی رایگەیاند کە چیتر کۆنسێرت و کلیپ لە وڵاتی توکیا ناکات و بایکۆتی جلوبەرگیان دەکات، داوا لە هونەرمەندان دەکات هەمان بڕیار بدەن.

هونەرمەندی گۆرانیبێژ نەڤید زەردی لەلاپەڕەی ئینستاگرام رایگەیاند "وەکو یەکەمین هونەرمەندی کورد رایدەگەیەنم تا ئەو خولەکەی لە ژیان مابم و کاری هونەری بکەم، بەڵێن بێت بەخۆشەویستیم بۆ کوردستان، بەڵێن بێت بۆ هەوادارەکانم، نەکلیپ و نەکۆنسێرت و نەهیچ کارێکی هونەری لە تورکیا ناکەم".

وتیشی "تا مابم نە جلوبەرگیان لەبەر دەکەم، نەیەک سەنت لە داهاتی من دەچێتە ناو ئەو وڵاتەوە، لێرەوە بانگهێشتی هونەرمەندان دەکەم بۆ ئەو هەڵمەتە".

نەڤید زەردی لەدایکبوی شاری مەھابادی رۆژھەڵاتی کوردستانە، لەساڵی 2004ەوە دەستی بە کاری هونەری کردوە و خاوەنی چەندین گۆرانی و ڤیدیۆ کلیپە،  ماوەی چەند ساڵێکە لە وڵاتی ئەڵمانیا ژیان بەسەر دەبات.

 

ئه‌م بابه‌ته 7825 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP