دینا وەکو هاوسۆزیەک بۆ رۆژئاڤا سەرجەم کارە هونەریەکانی وەستاند

خەندان لایف

خانمە گۆرانیبێژ "دینا" وەکو هاوسۆزیەک بۆ رۆژئاڤای کوردستان سەرجەم کارە هونەریەکانی وەستاند.

دینا لە لاپەرەی فەرمی خۆی لە تۆڕی کۆمەڵایەتی ئینستاگرام رایگەیاند "من بە توندی ئیدانەی ئەو کارە نامرۆڤانە دەکەم کە بەرامبەر خوشک و برایانمان دەکرێت لە رۆژئاڤای کوردستان، هیودارم بە زوترین کات رێکخراوە مەدەنی و نێودەوڵەتی و مرۆییەکان ئەم شەرو ناخۆشی و کۆمەڵکوژیە بوەستێنن".

هەروەها دینە ئەوەشی خستەڕو "لە ئێستادا هەمو کارە هونەری و کلیپ و کۆنسێرتەکانم وەستاندوە، تاوەکو بە دڵێکی ئارامەوە جارێکی دیکە ببینین و بڕوانین ئەوان گەڕاونەتەوە ماڵی خۆیان و هیچ کێشەیەک لە رۆژئاڤا نەمێنێت، کۆمەڵکوژی کوردان بوەستێنرێت".

دینا خەڵکی شاری رانیەیە، ماوەیەکی کەمە لەبواری ھونەری کوردیدا دەرکەوتوە، خاوەنی چەندین گۆرانی و ڤیدیۆ کلیپە.

ئه‌م بابه‌ته 4701 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP