شاکار ستار نوێترین بەرهەمی بڵاوکردەوە

 خەندان لایف

هونەرمەندی گۆرانیبێژ شاکار ستار نوێترین بەرهەمی بە ناوی "دنیا بێرەحمە" لە رێگەی چەناڵی تایبەتی خەندان بڵاوکردەوە.

هونەرمەند شاکار ستار لە رێگەی چەناڵی یوتیوبی خەندان نوێترین ڤیدیۆ کلیپی بە ناوی "دنیا بێ رەحمە" بڵاوکردەوە، کە تێکستەکەی لەلایەن شاکار خۆیەوە نوسراوە، ئاوازەکەی وەرگیراوە و کاری دابەشکردنی میوزیکی لەلایەن زانا عەبدوڵاهی بۆ کراوە.

شاکار ستار لە لێدوانێکدا تایبەتدا بۆ خەندان لایف رایگەیاند، "لە کلیپیەکەدا منداڵەکەم و هاوسەرەکەم بەشداریان تێدا کردوە، کاری دەرهێنانی کلیپیەکەم لەلایەن دیاکۆ بۆ ئەنجام دراوە".

ئاماژەی بەوەشکرد، لە دوای ئەم بەرهەمەی پلانی هەیە بۆ بڵاوکردنەوەی بەرهەمی نوێ.

شاکار ستار تەمەنی 28 ساڵە، سەرەتای کاری هونەری دەگەڕێتەوە بۆ ساڵی 2013، لەگەڵ ئەوەی ماوەیەکی زۆر لە کاری هونەری دابڕا، ساڵی رابردو دوبارە دەستی بە کاری هونەری کردەوە.

ئه‌م بابه‌ته 3363 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP