ئاگرین دڵشاد تا کاتێکی نادیار دوردەکەوێتەوە


خەندان لایف

هونەرمەندی گۆرانیبیژ "ئاگرین دلشاد" بۆ ماوەیەک لە سۆشیال میدیا دوردەکەوێتەوە بەلام لەسەر کارە هونەریەکانی بەردەوام دەبێت.

ئاگرین دڵشاد لە بڵاوکراوەیەکدا لە تۆڕی کۆمەڵایەتی ئینستاگرام وتی، "لەماوەی بەکارهێنانی سۆشیال میدیا توشی خەمباری و دڵخۆشی بومە، زۆر کەسم تیدا ناسیوە و زۆر کەسم تیدا لەدەستداوە و کاریگەری ئەرێنی و نەرێنی لەسەرم هەبوە و هەست دەکەم بەشێک لە ژیانم جێدەمێنێت".

هەروەها دەربارە دورکەوتنەوەی لە تۆڕە کۆمەڵایەتیەکان رایگەیاند "بڕیارم داوە بە هەمو توانایەکمەوە دوربکەومەوە لە پێگەکانی سۆشیال میدیا، بەڵام بەردەوام دەبم لەسەر کاری هونەری بە رێگەیەکی دیکە، هەوادارەکانم دەتوانن لە رێگەی یوتیوبەوە بینەری بەرهەمەکانم بن".

ئاگرین دڵشاد جگە لە ساڵی 1995 لە کەرکوک لەدایک بوە، ساڵی 2014 پەیمانگای هونەرە جوانەکانی تەواو کردوە، کاری پێشکەشکاری کردوە و کاری ئاوازدانان دەکات، خاوەنی چەند بەرهەمێکە.

 

ئه‌م بابه‌ته 6802 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP