دیانا حەداد چیرۆکی مسوڵمانبونی دەگێڕێتەوە


خەندان لایف

خانمە هونەرمەندی گۆرانیبێژی لوبنانی "دیانا حەداد" دوێنی لە رۆژی لەدایکبونیدا چیرۆکی مسوڵمانبونی گێڕایەوە و باسی لەوەکرد کە چۆن ئاینەکەی لە مەسیحیەوە گۆڕیوە بۆ ئیسلام.

دیانا حەداد لە باوکێکی مەسیحی و دایکێکی مسوڵمان لەدایک بوە، کە ئەوە لە کلتوری لوبنانیەکان ئاساییە دو کەس بە دو بیروباوەڕی جیاوازی ئاینیەوە هاوسەرگیری بکەن، دیانا دوای مردنی دایکی بڕیاریدا ئاینەکەی بگۆڕێت بۆ ئیسلام.

دەربارەی گۆڕینی ئایینەکەی، دیانا حەداد رایگەیاند، "دوای مردنی دایکم لە مانگی رەمەزاندا هەوڵمدا زیاتر لە ئیسلام قوڵ ببمەوە، ئەو کەسانەی لە دەوروبەرم بون فێریان کردم کە چۆن قورئان بخوێنم و نوێژ بکەم، بەتایبەتی لەو مانگەدا".

هەروەها هاوسەرەکەی دیانا حەداد کە پیاوێکی مسوڵمانە یارمەتیداوە بۆ ئەوەی زیاتر پەیوەستی ئاینی ئیسلام ببێت، دیانا دەربارەی ئاینی ئیسلام وتی "باوەڕم وایە ئاینی ئیسلام ئاینێکی راست و دروستە، رێز لە هەمو ئاینەکانی دیکە دەگرم".

 

ئه‌م بابه‌ته 110392 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP