دوای 19 ساڵ بە هەمان عەزیەوە دەرکەوت

خەندان لایف

خانمە هونەرمەند و گۆرانیبێژ "جێنیفەر لۆپێز" لە هەفتە نمایشی ڤیرساج فاشن بە هەمان ئەو عەزیەوە دەرکەوت کە 19 ساڵ پێشتر لە ئاهەنگی خەڵاتی گرامی پۆشیبوی.

لە کۆتایی هەفتەی رابردو نمایشی ڤیرساج فاشن لە میلان فاشن بەڕێوەچو، خانمە هونەرمەند و گۆرانیبێژ "جێنیفەر لۆپێز" بە عەزیەکی سەرنجراکێشەوە دەرکەوت و سەرنجی هەموانی بەلای خۆیدا راکێشا.

ئەگەرچی بە شێوەیەکی سەرنجراکێش دەرکەوتبو بەڵام عەزیەکەی هەمان ئەو عەزیە بو کە لە ساڵی 2000 لە ئاهەنگی خەڵاتی گرامی پۆشیبوی، بەڵام هەندێک گۆرانکاری لە ستایلەکەیدا کرابو و بە شێوازێکی نوێتر دیزاین کرابو.

جێنیفەر لۆپێز لەدایکبوی ساڵی 1969، یەکێکە لە جوانترین خانمە ئەسمەرەکانی جیهان، بەناوبانگترین ئەکتەر و گۆرانیبێژ و سەماکاری ئەمەریکایە، بەشداری چەندین فیلم و درامای کردوە، خاوەنی زیاتر لە هەشت ئەلبونی گۆرانیە.

 

ئه‌م بابه‌ته 34482 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP