ژمارەیەک لە هونەرمەندان سەردانی عومەر چاوشین دەکەن

خەندان لایف

بەشێک لە هونەرمەندان وەکو وەفایەک بۆ "عومەر چاوشین" لە سلێمانیەوە بەرەو هەولێر بەڕێکەوتن و بە مەبەستی بینین بەسەرکردنەوەی لەخانەی بەساڵاچوان.
 
هونەرمەندی ناسراو "ئەحمەد جۆڵا" کە رێکخەری ئەم سەردانەبو، پێشتر لە تۆڕی کۆمەڵایەتی فەیسبوک رایگەیاند "وەکو وەفایەک بۆ هونەرەکەی هونەرمەند عومەر چاوشین کە ئێستا لە خانەی بەساڵاچوانی هەولێردایە، رۆژێک دادەنێین و سەردانی عومەر چاوشین دەکەین"، داوای لە هونەرمەندان کرد کە پێکەوە کۆببنەوە و ئەم سەردانە رێک بخەن.

دواجار سەرلەبەیانی ئەمڕۆ بەشێکی زۆر هونەرمەندە دیارەکانی کورد لەبەردەمی سەندیکای هونەرمەندان کۆبونەوەو بەرەو هەولێر بەڕێکەوتن و چاویان بە عومەر چاوشین کەوت بەمەبەستی سەردانی کردن و نوێبونەوەی هاوڕێیەتی و وەفا لەگەڵ عومەر چاوشین.