هەشت رێگای سروشتی بۆ نەهێشتنی ئازار و گرژبونی ماسولکەکان

خەندان لایف

زۆرن ئەو کەسانەی کە بەهۆکاری جیاواز رۆژانە توشی ئاراز و گرژبونی ماسولکەکان دەبن، بەڵام دەکرێت لەرێگەی چارەسەری سروشتیەوە ئازارو گرژبونەکەی نەمێنێت، دکتۆر "هەڤین کەمال" شاره‌زا له‌ چاره‌سه‌ری فه‌قه‌رات و نه‌خۆشی جومگه‌کان، هەشت رێگاری سروشتی بڵاوکردوەتەوە.

یەکەم: گوڵە بەیبون

بەشێوەی چا بێت بخورێتەوە یاخود بەشێوەی زەیت مەساجی پێ بکرێت بۆ ماسولکە گرژبوەکان ، ماسولکەکان خاو دەکاتەوەو ئازاریش کەم دەکاتەوە.

دوەم: شەربەتی گێلاس
ماددەی دژە ئۆکسیدەکانی تیادایە کە بە شێوەیەکی درێژخایەن ئازار کەم دەکاتەوەو و ماسولکەکان خاو دەکاتەوە بەڕێگەیەکی سروشتی، توێژینەوە کراوە لەسەر ئەو کەسانەی کە بەشداری ئەکەن لە پێشبڕکێی ڕاکردن دا بینراوە ئەوانەی کە شەربەتی گێلاسیان خواردوە پێشتر کەمتر ئازار و ماندوبونیان بۆ دروست بوە.

سێیەم: سموسی یاخود شەربەتی تو
دژە ھەوکردن و دژە ئۆکسانی تیادایە کە دەبێتە ھۆی کەم کردنەوەی گرژی و ماندوبونی ماسولکەکان و ھەوکردنی جومگەکانیش.

چوارەم: بیبەری سوری تون
کە مادەی کاپسیسینی تیادایە و ئازار شکێنی سروشتی یەو وھەروەھا گرژی ماسولکەکانیش ناھێڵێت، دەتوانرێت بەشێوەی کبسول یاخود کرێم بەکار بھێنرێت.

پێنجەم: ئاو 
ناھێڵێت خانەکانی لەش وشک بێتەوە و ھەروەھا گرژی ماسولکەکان کەم دەکاتەوە.

شەشەم: ڤیتامین دی
کەمی ڤیتامین دی لەوانەیە ببێتە ھۆی گرژی ماسولکاکان، دەتوانرێت ڤیتامین دی لەلەشدا زیاد کرێت بەھۆی خواردنی ھێلکە، ماسی، شیرەمەنیەکان، چومە بەر خۆر لە کاتی گونجاودا.

حەوتەم: مەگنسیۆم
کەمی مەگنیسیۆم دەبێتە ھۆی گرژبون و ئازاری ماسولکە، دەتواندرێت بەخواردنی چەرەسات و بادام، پاقلەمەنییەکان، برنجی بۆر، رێژەکەی لە لەشدا زیاد بکرێت.

هەشتەم: پشودان
نوستن لەکاتی گونجاوی خۆیدا و بۆ ماوەی پێویست، لەگەڵ خواردنەوەی شلەمەنییەکان یارمەتی نەھێشتنی گرژی ماسولکەکان دەدەن.

 

ئه‌م بابه‌ته 16036 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP