بڵند عەبدوڵا پەیامێک لەسەر هونەری ئێستا بڵاودەکاتەوە

خەندان لایف

بڵند عەبدوڵا پەیامێک لەسەر هونەری ئێستا بڵاودەکاتەوە.

بڵند عەبدوڵا لە لاپەرەی فەرمی خۆی لە تۆڕی کۆمەڵایەتی ئینستاگرام پەیامێک بڵاودەکاتەوە و دەڵێت "دیاردەیەک هەیە کە بەس لەناو کورددا بینیومە ئەویش بون بە هونەرمەند و منەت کردن بەسەر خەڵکدا، هونەرکردن کارێکی روحیە و ئەگەر بەهرەت نەبێت پارەو سامان ناتوانێت سەرت بخات".

هەروەها ئاماژەی بەوەکرد کە "هۆکاری ئەوەی تەمەنی کاری هونەری کورت بوە ئەوەیە کە بەشێک لە هونەرمەندەکان خەیاڵیان لای زۆری ژمارەی بینەر و لایکەکانە، کارەکانیان هەڵقوڵاوی هەستی راستەقینەی خۆیان نیە".

لە درێژەی قسەکانیدا نوسیویەتی کە دەبێت هونەرمەند کە بڕیاری دا بێتە ناو گۆڕەپانی هونەری نابێت هێندە بەدوای قسەوباس و جنێوی سۆشیاڵ میدیاوە بێت، لەباتی وەڵام دانەوە هەوڵ بدات بەرهەمێکی جوان و راستەقینە بداتە پاڵ ئەرشیفی هونەریەکانی و لایەنی سایکۆلۆژی خۆی بەهێز بکات بۆ ئەوەی بتوانێت ببێت بە هونەرمەندێکی پرۆفیشناڵ".

هونه‌رمه‌ند بڵند عه‌بدوڵا له‌ ساڵی 1978 لەدایك بووه‌، ده‌رچوی كۆلێژی ده‌رمانسازییه‌، له‌ ساڵی 1991 له‌گه‌ڵ خانه‌واده‌کەی چوەته‌ وڵاتی سوید، خاوه‌نی چه‌ندین كلیپ و گۆرانییه‌.

 

 

ئه‌م بابه‌ته 10739 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP