ڤیدیۆ.. پایسكلسوارێك گیانی دەست دا

خەندان لایف

 

بیۆرگ لامبرێختی پایسکلسواری بەلجیكی تەمەن 22 ساڵان لە میانەی بەشداریكردن لە پاڵەوانێتیپایسكلسواری پۆڵەندا گیانی لەدەستدا.

لە كاتی بەرێوەچونی قۆناغی سێیەمی پاڵەوانێتی پۆڵەندا بۆ پێشبڕكێی پایسكلسوای، لامبرێخت كە یاریی بۆ تیمی لۆتۆ سۆداڵ دەكات، لە پایسكلەكەی بەردەبێتەوە، هەرچەندە بە خێرای یاریزانەكە رەوانەی نەخۆشخانە دەكەن، بەڵام گیان لەدەستدەدات.

تیمی لۆتۆ سۆداڵ لە پێگەی تایبەتی خۆیان لە تویتەر مردنی ئەو یاریزانە لاوەیان ڕاگەیاندو نوسیویانە.. ئەمە گەورەترین كارەساتە، سەرەخۆشی لە هاورێیان و خێزانەكەی دەكەین، بە ئارامی بنو بیۆرگ.

لامبرێخت لەگەڵ ئەوەی تەمەنێكی كەمی هەبوە، بەڵام چەند نازناوێكی بەدەستهێناوەو دیارترین ئەنجامیشی بەدەستهێنانی پلەی دوەمی پاڵەوانێتی تور دێ فراس بو لە ساڵی 2017 كە بە یەكێك لە گرنگترین پاڵەوانێتیەكانی پایسكلسواری دادەنرێت.

 

ئه‌م بابه‌ته 1806 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP