سودەکانی مێخەک بۆ قژ و شێوازی بەکارهێنانی


خەندان لایف- 

لەنێو سودە تەندروستییەكانی مێخەكدا بۆ لەشی مرۆڤ، سەرچاوە پزیشكییەكان ئاماژە بەسودەكانی دەكەن كەدژە بەكتریا و كەڕو ڤایرۆسە، زەیتی مێخەك بەكاردێت لەچارەسەری نەخۆشییەكانی وەك ئازاری ددان و گرفتی هەرسكردن، كۆكە، رەبۆ، ئازاری سەر و چەندینی دیکە، بەڵام دەركەوتوە كەمێخەك بەسودە بۆ چارەسەری گرفتەكانی قژ.

لەگرنگترین سودەكانی مێخەك بۆ قژ
یەکەم: هاوكاری دەكات لەدرێژكردنەوەی قژدا بەخێرایی بەوپێیەی دەوڵەمەندە بەكانزا و ڤیتامینەكان.
دوەم: ئەگەر لەشێوەی زەیت بەكاربهێنرێت ئەوا دەبێتە هۆی چركردنەوەی قژ.
سێیەم: خۆراك دەداتە تاڵەموەكان، جوانی و رەونەقی پێدەدات.
چوارەم: هاوكارە لەبەهێزكردنی رەگەكانی قژدا، دەبێتە هۆی سنورداركردن گرفتی قژ روتانەوە.

دو شێوازی سەرەكی بۆ سود وەرگرتن لەمێخەك
1- بەشێوەی زەیت: دەنكەكانی بهاڕە تادەبێتە شێوەی بۆدرە و بیكەرەناو زەیتی زەیتونەوە بۆ ماوەی 2 هەفتە، رۆژانە دوجار تێكەڵی بكە، دواتر بیپاڵێوە و بەفڵچە بیدە لەپێستی سەرت.

2- یەك كوپ گوڵاو لەگەڵ سێ كەوچك مێخەكی هاڕراو تێكەڵ بكە، دو كەوچك زەیتی گەرچەكی تێبكە لەگەڵ نیو كوپ زەیتی زەیتون.
هەمویان پێكەوەتێكەڵ بكە و بیدە لەسەرت بۆ 10 خولەك پێوەی بمێنێتەوە پاشان بە ئاو بیشۆ  دواتر بەشامپۆ.

ئه‌م بابه‌ته 12025 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP