شێوازی دروستکردنی لازانیای بە گۆشت

خەندان لایف-

پێداویستیەکان:
دو كەوچك زەیتی زەیتون.
یەك پیازی قەبارە مامناوەند وردكرابێت.
دو دەنك سیر ورد كرابێت.
نیو كیلۆ قیمەی گۆشت.
دو كەوچك دۆشاوی تەماتە.
كوپێك كرێمی شل.
كوپێك پەنیری كرافت ورد كرابێت.
كوپێك پەنیری بارمیزان ورد كرابێت.
خوێ و بیبەری تون و بەهارات بەپێی ئارەزو.
(250) گرام لازانیا.
دو گێزەرو دو بیبەر وردبكە.

شێوازی ئامادەكردنەكەی:
- سەرەتا زەیتەكە كەمێك گەرمبكەو سیرو پیازەكەی تێدا سوربكەرەوە.
- قیمەی گۆشتەكە دوای ئەوەی كوڵاندت لەگەڵ پیازو سیرەكە سوربكەرەوە.
- خوێ و بیبەری تون و دۆشاوی تەماتەكە تێكەڵاوی قیمەكە بكە.
- گێزەرو بیبەرە وردكراوەكە تێكەڵاوی قیمەو پێكهاتەكانی دیكەی بكەو سوریبكەرەوەو كرێمەكەی تێكەڵاو بكە.
- لازانیاكە بۆ ماوەی 10 خولەك بخەرە ئاوی گەرمەوە هەتا نەرمدەبێتەوەو دواتر ڕیزێك لە لازانیاكە لەناو دەفرێك دابنێ و پێكهاتە سورەوكراوەكە بكە بەسەر لازانیاكەو چینێك پەنیر بكە بەسەر تێكەڵەكەداو ئەم كارە چەند جارێك دوبارە بكەرەوەو لە كۆتاییدا بڕێك پەنیر لەچینی سەرەوەدا دابنێ.
- ئەم ژەمە بخەرە ناو فڕنێكەوە كە پێشتر گەرمتكردبێت و دوای ئامادە بونی بە گەرمی پێشكەش دەكرێت.


ئه‌م بابه‌ته 13232 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP