نوسەر و رۆژنامەنوس فەرید زامدار كۆچی دوایی كرد


خەندان-

شەوی رابردو نوسەر و رۆژنامەنوسی کورد فەرید زامدار لە شاری هەولێر بەهۆی نەخۆشییەوە كۆچی دوایی كرد.

پەیامنێری خەندان لە شاری هەولێر رایگەیاند، شەوی رابردو فەرید زامدار، نوسەر و رۆژنامەنوس بەهۆی نەخۆشییەوە لە تەمەنی 67 ساڵیدا کۆچی دواییکردوە.

فەرید زامدار پێشمه‌رگه‌ی دێرین بوه‌ ماوەیەکە توشی نەخۆشی بوە، له‌م دواییانه‌ چه‌ند جارێك به‌ مه‌به‌ستی چاره‌سه‌ری پزیشكی سه‌ردانی ده‌ره‌وه‌ی وڵاتی كردوه‌.

زامدار لە ساڵی 1952 لە شاری هەولێر لەدایکبوە، خاوه‌نی چه‌ند كتێبێكه‌ به‌ هه‌ردو زمانی كوردی و عه‌ره‌بی، له‌ بواری رۆژنامه‌وانیشدا كاری كردوه‌ و ئه‌ندامی یه‌كێتیی نوسه‌رانی كورد بوه‌، هه‌روه‌ها هونه‌رمه‌ندێكی شێوه‌كاری بوه‌.

فەرید زامدار ژیانی هاوسەرگیری پێکهیناوەو خاوەنی چوار منداڵ بو بە ناوەکانی (دەریا، دەرون، رەوەز، رێگا).

زامدار ژیانی بۆ خوێندنەوەو نوسین تەرخانکردوە، جگە لەنوسینەکانی چەندین دیوانی شیعری بەچاپ گەیاندوە، لەوانە (هەوری بروسکەی مەبەستێک، ژوانی سێبەر، بێ ناونیشان).

ئه‌م بابه‌ته 5809 جار خوێنراوه‌ته‌وه‌‌



Copyright © 2015 Xendan.org all rights reserved
Created by AVESTA GROUP