نهێنی ژاپۆنیەکان بۆ ئەوەی دوای 50 ساڵی بە گەنجی دەربکەویت

خەندان لایف-

لەگەڵ تێپەربونی کات ئاسەواری تەمەن لە کەسەکەدا دەردەکەوێت بەتایبەت لە روخسار کە توشی چرچ بون، پەڵە، سپی بونی تاڵەکانی قژ دەبێت، لەگەڵ ئەوەشدا مەترسی توشبون بە شێرپەنجە زیاتر دەکات، خەڵکانی ژاپۆن هەندێک نهێنیان هەیە کە وایان لێدەکات بەردەوام بە گەنجی و بە تەندروستیەکی باشەوە بمێننەوە، ماڵپەری organicwelcome ئەو نهێنیانەی بڵاوکردۆتەوە.

یەکەم: خواردنەوەی چای سەوز، سودێکی زۆر بە تەندروستی جەستە دەگەیەنێت، پێست لە وشکبونەوە دەپارێزێت وخانە شێرپەنجەییەکانی جەستە لەناو دەبات.
 

 

دوەم: سەوزەی دەریا بەشێکی سەرەکیە لە خۆراکی خەڵکی ژاپۆن، چەندین سود بە پێست دەگەیەنێت، دەوڵەمەندە بە ڤیتامین، کالسیۆم، مەگنسیۆم، ئاسن، رێگرە لە دروستبونی چرچی روخسار .

 

سێیەم: مەساج کردن بۆ پێست، یارمەتی نەمانی گرژبونی ماسولکەکان دەدات، بە تایبەتی روخسار زیاتر لە 40 ماسولکەی تێدایە و مەساجکردنی رێگر دەبێت لە ماندوبونی پێست و چرچی پێست.

 

چوارەم: ئەو پێکهاتانەی بەکاری دەهێنن بۆ پاککردنەوەی روخساریان ئەو پێکهاتانەیە کە سروشتین، پێهاتە کیمیاییەکان بەکار ناهێنن.
 

 

پێنجەم: پێستی وشک زوتر توشی چرچ بونی روخسار دەبێت، هەربۆیە شێدارکەرەوەی پێست بەکاردەهێنن بۆ ئەوەی پێستیان لە وشک بونەوە بپارێزن.
Image result for japanese skin care

 

شەشەم: کۆلاجین بەکاردەهێنن وەکو کرێم دەیدەن لە روخساریان، هەروەها ماسکی کۆلاجین دەکەن.

 

حەوتەم: بەردەوام ماکیاژ بەکارناهێنن، لانی کەم هەفتەی جارێک بۆ ماوەی 24 کاتژمێر هیچ جۆرە ماکیاژێک بەکارناهێنن بۆ ئەوەی پێستیان هەناسە بدات.
Image result for skincare products in china

 

ئه‌م بابه‌ته 20992 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP