بڕوا ئیسماعیل کلیپێکی نوێی بڵاوکردەوە

خەندان لایف-

هونەرمەندی گۆرانیبێژ "بڕوا ئیسماعیل" نوێترین ڤیدیۆ کلیپی خۆی لە چەناڵی کوردماکس میوزیک لە یوتیوب بڵاوکردەوە بە ناوی "کەنیشکە"، تێکست و ئاوازی گۆرانیەکە فۆلکلۆریە، لەلایەن "ئەحمەد رەمەزان" کاری دەرهێنانی بۆ ئەنجام دراوە.

لەلێدوانێکدا بۆ خەندان "بڕوا ئیسماعیل" دەڵێت کە بۆ ماوەی 5 ساڵە هیچ بەرهەمێکی نەبوە، "کەنیشکە" نوێترین بەرهەمی هونەریەتی، ماوەی ساڵێکە تۆماری کردوە، کە بڕیاربو بۆ نەورۆز بڵاوببێتەوە بەڵام لەبەر هەندێک هۆکار دواکەوت.

بڕوا ئاماژەی بەوەش کرد لە ئێستادا بەرهەمێکی دیکەی ئامادەیە کە لە تێکست و ئاوازی هونەرمەند "ئالان جەمال"ە، بەم زوانە پێشکەشی هەوادارەکانی دەکات.

بڕوا ئیسماعیل لە ساڵی 1988 لە هەولێر لەدایک بوە، ماوەی هەشت ساڵە دەستی بە کاری هونەری کردوە، خاوەنی چەند گۆرانی و ڤیدیۆ کلیپێکە.

 

 

ئه‌م بابه‌ته 3792 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP