سودە تەندروستیەکانی گوڵەبەڕۆژە


خەندان لایف-

گوڵە بەڕۆژە یەكێكە لەو گوڵانەی كە زۆرترین تۆوی تێدایە كە سوودی زۆری هەیە بۆ هەمو ئەندامەكانی لەش، بەڵام لەگەڵ ئەوەشدا نابێت زیادەڕەوی لە خواردنیدا بکرێت.

سودەکانی گوڵە بەرۆژە:

یەکەم: دەبێتە هۆی بەهێز كردنی هەستی بینین.

دووەم: ئەگەری توشبون بە هەستیاری كەمدەكاتەوە.

 سێیەم: نینۆكەكان بەهێز دەكات و ناهێڵێت توشی شكان ببن.

چوارەم: سودی بۆ سیەكان هەیەو ئەگەری توشبونیان بە شێرپەنجە كەمدەكاتەوە، ئەمەش بە تایبەت بۆ كەسانی جگەرە كێش.

 پێنجەم: توێژینەوە پزیشكیەكان باس لەوە دەكەن، چەوری گوڵەبەرۆژە چەورییەكەی زیان بەخش نییە، بە پێچەوانەوە دەبێتە هۆی كەمكردنەوەی ڕێژەی كۆلیسترۆلی زیان بەخش لە خوێندا
 كۆنتڕۆڵی لە ناوبردنی خانەكان دەكات، بۆیە ڕۆڵێكی گرنگ دەبینێ بۆ قەدەغەكردنی نەخۆشی شێرپەنجە، چونكە تۆوی گوڵە بەڕۆژە سەرچاوەیەكی باشە بۆ سیلینیۆم كە شەڕ دەكا دژی شێرپەنجە.  

 شەشەم: ماددەی كانزایی تەندروستی بۆ ئێسك تێدایە، ئێسكەكان پێویستیان بە مەگنیسیۆم و مس هەیە بۆ ئەوەی بە بەهێزی بمێننەوە، تۆوی گوڵە بەڕۆژەش هەردو ماددەی تێدایە.

 حەوتەم: هێمن كەرەوەیە، مەگنیسیۆمی گوڵە بەڕۆژە كاریگەری لەسەر هێور كردنەوەی دەمارەكان هەیە، بۆیە بە ئاسانی دڵە ڕاوكێ كەم دەكاتەوە وا دەكات زیاتر هێمن بین.

 هەشتەم: پێست درەوشاوە دەكات، ئەمە بە هۆی ڤیتامین ئی كە پێست دەپارێزێت، درەوشاوەی دەكات.

ئه‌م بابه‌ته 13174 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP