بە وێنە.. نوێترین دەرکەوتنی مەسعود ئۆزێل و ئامینە گوڵشێ دوای ئەنجامدانی هاوسەرگیری

خەندان-



دوای تێپەڕبونی 10 رۆژ بەسەر ئاهەنگی هاوسەرگیریەكەیاندا، مەسعود ئۆزێل و ئامینە گولشێ-ی هاوسەری لە ئاهەنگێكی دیكەی هاوسەرگیریدا دەركەوتنەوە.



ئامینە گولشێ، خانمە ئەكتەری بەناوبانگی توركیا وشاجوانی ئەو وڵاتە بۆ ساڵی 2014، لەگەڵ مەسعود ئۆزێل-ی هاوسەری كە یاریزانێكی بەناوبانگی تۆپی پێە، لە رێكەوتی 9ی حوزەیرانی ئەمساڵدا هاوسەرگیریان ئەنجامدا و دوابەدوای ئاهەنگەكە بۆ ماوەی 10 رۆژ لە چاوی میدیاكان دور بون.



دوای تێپەڕبونی ئەو 10 رۆژه‌ لە هاوسەرگیریەكەیان، لە هەژماری تایبه‌تی خۆی لە تۆڕی كۆمەڵایەتی ئینستاگرام، ئامینە گولشێ وێنەی خۆی و ئۆزێل-ی هاوژینی بڵاوكردوەتەوە، كە دەردەكەوێت لە ئاهەنگێكی دیكەی هاوسەرگیریدان.



ئامینە گولشێ، خەڵکی شاری ئیزمیری توركیایه‌، به‌ڵام له‌ ساڵی 1993 لە سوید  له‌دایكبوه، لەساڵی 2014دا به‌شداری كێبڕكێی شاجوانی توركیای كردوە و نازناوی شاجوانی ئەو وڵاتەی بەدەستهێناوە.



مەسعود ئۆزێل لەدایکبوی ساڵی 1988-ە و بەڕەچەڵەک خەڵکی باكوری كوردستان-ە كە له‌ ئێستادا دەكەوێتە توركیا، لەهەمانکاتدا یاریزانی یانەی ئارسناڵی ئینگلیزی و هەڵبژاردەی پێشوی ئەڵمانیایە.

ئه‌م بابه‌ته 47328 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP