ئەو هەڵانەی لە کاتی رۆژو شکاندندا دەیانکەین

خەندان لایف-

رۆژەکانی رەمەزان رەنگە بە ئاسانی تێنەپەڕن بەهۆی برسێتی تینوێتی زۆرەوە، لە هەمان کاتدا وادەکات بتوانیت خۆت کۆنتڕۆڵ بکەیت و سیسستمی خۆراکیش رێک دەکاتەوە، بەڵام لە کاتی رۆژوشکاندن کۆمەڵێک هەڵە ئەنجام ئەدرێن، کە زیانی بۆ کەسەکە دەبێت، بۆیە باشتر وایە لەو هەڵانە دووربکەویتەوە: 

١- زۆر خواردنەوەی ئاو: دەستبەجێ لە کاتی رۆژوشکاندن زۆر خواردنەوەی ئاو زیانی هەیە، چونکە بۆ ماوەیەکی زۆر گەدەت خاڵی بووە، گەر بڕێکی زۆر ئاو بخۆیتەوە رەنگە توشی ئازاری گەدە بیت.

٢- زۆر خواردنی نان: بە هەمان شێوە زیانی هەیە کاتێک بە درێژایی رۆژ برسیت بووە، بۆیە پێویستە بە هێواشی و لەسەرخۆ نان بخۆیت.

٣- خواردنی شەکر وا دەکات بە درێژایی رۆژ هەست بە برسێتی و تینوێتی زۆرتر بکەیت، هەروەها وا دەکات بە خێرایی کێشی جەستەت زیاد بکات.

٤- ئەو کاتەی رۆژوو دەشکێنیت دووربکەوە لە خواردنی چەوری و کاربۆهیدراتەکان، سەرەتا زەڵاتە یان سوپێک بخۆ، دواتر ئەو خۆراکانە بخۆ کە پرۆتینی تێدایە پاشان ئەتوانیت کاربۆهیدراتەکان یان ئەو خۆراکانە بخۆیت کە چەوری تێدایە.

٥- خەوتن دوای رۆژوو شکاندن زیانێکی زۆری هەیە بۆ جەستە، بەهیچ شێوەیەک راستەوخۆ دوای نان خواردن مەخەوە، هەوڵ بدە بۆ چەند خولەکێک پیاسە بکەیت بۆ ئەوەی خواردنەکەت ئاسانتر هەزم ببێت

ئه‌م بابه‌ته 14080 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP